Ózbekstan respublikasi’ joqari’ HÁm orta arnawli’ bilimlendiriw ministrligi

Ulıwma orta tálim maqseti mádeniy hám islep shıǵarıw, xalıq xojalıǵınıń túrli tarawlarında iskerlik kórsetiw ushın zárúr bolǵan pán tiykarlarınıń sistemalı bilimleri, sheberlik hám tájriybe menen qurallantırıwdan hámde arnawlı tálim alıw imkaniyatların jaratıwdan ibarat. Ózbekistanda májbúriy tálim, biypul, múddeti 11 jıldan ibarat bolǵan ulıwma orta bilimlendiriw bar bolıp, ol baslanǵısh (1-4-klaslar) hám orta (5-11-klaslar) tálimge bólingen. Baslanǵısh tálim ulıwma orta tálim alıw ushın zárúr bolǵan bilim hám tájriybeniń, sawadxanlıq tiykarlarınıń qáliplestiriliwine baǵdarlanǵan. Birinshi klasqa balalar 6-7 jastan qabıl qılınadı.

Baslanǵısh tálimdi oqıw nátiyjesinde bala oqıw, jazıw hám esaplaw uqıbına iye boladı. Oqıwshıǵa teoriyalıq pikirlew elementleri, úyretilgen háreketlerdi basqarıw uqıplıǵı sińdirip barıladı. Ulıwma orta tálim kerekli bilim kólemi, ǵárezsiz pikirlewqábiliyetin rawajlantırıw, shólkemlestirilgen uqıplıq hám ámeliy tájriybe tiykarın qoyıp, baslanǵısh professional baǵdardı hám tálimniń keying baǵanasın tańlawda kómeklesedi. Ulıwma orta bilimlendiriwde oqıwshı pán tiykarları boyınsha dizimli bilimlerdi aladı. Tálim processinde keń dúnya qaras qáliplesiwi hám dóretiwshilik pikirlew qábiliyeti payda boladı.