%zbekstan respublikasi a

Topıraqtın` salıstırmalı salmag`ın anıqlaw

Jumıstın` maqseti: Topıraqtın` salıstırmalı salmag`ı onın` en` a`hmiyetli fizikalıq qa`siyetlerinin` biri bolıp tabıladı. Topıraqlar quramı boyınsha u`sh fazadan turadı: topıraqtın` qattı fazası, suyıq fazası ha`m gaz fazasınan. Topıraqtın` qattı fazasına onın` quramındag`ı barlıq minerallar, taw jınısları, shirindi, duzlar h.t.b qattı zatlar kiredi. Topıraqtın` suyıq fazasına topıraq quramındag`ı suw kiredi. Topıraq hawası onın` gaz fazası bolıp esaplanadı.

Topıraqtın` salıstırmalı salmag`ı (topıraqtın` qattı fazası tıg`ızlıg`ı) degenimiz-topıraqtın` quramındag`ı qattı zatlardın` normal jag`dayda tap sonday ko`lemdegi suwdın` +4<sup>0</sup>C halatındag`ı awırlıg`ına qatnası bolıp esaplanadı. Topıraqtın` salıstırmalı salmag`ı topıraqtın` mineralogiyalıq, ximiyalıq ha`m mexanikalıq quramına baylanıslı boladı. Az shirindili topıraqlar jen`il al ko`p shirindili topıraqlar awır salıstırmalı salmaqqa iye boladı.