Ózbekstan Respublikası Xalıq bilimlendiriw ministrligi tárepinen

Ósimliklerdegi tuqımlanıw
. Jabıq tuqımlı ósimlik (gúlli 
ósimlikler) lerde tuqımlanıw hám tuqımnıń rawajlanıwın kórip 
shıǵamız (40-súwret). Jabıq tuqımlı ósimliklerde erkek gameta-
ları shań dáneshesinde jetiledi. Shań dáneshesi eki kletkadan 
dúzilgen. Mine sol kletkanıń irileri vegetativ kletka, maydası 
bolsa 
generativ kletka
delinedi. Vegetativ kletka ósip uzın, 
jińishke tútiksheni júzege keltiredi. Generativ kletka vegetativ 
tútikshe ishinde ekige bólinip, eki sperma payda etedi. Shań 
tútiksheleri tez ósip, analıqtaǵı awızsha hám moyınsha ishine 
kiredi hám túyinshe tárepke qaray ótedi. Shań tútiksheleri hár 
túrli tezlikte ósedi. Biraq, solardan tek birewi qalǵanlarınan 
ozıp ketip, túyinshe ishindegi tuqım búrtikke jetıp baradı hám 
onıń ishine kiredi. 
Spermanıń biri máyek kletka menen qosılıp, zigota payda 
boladı, onnan urıq rawajlanadı. ekinshi sperma oraylıq (diploid) 
kletka menen qosıladı nátiyjede yadrosı triploid, yaǵnıy úsh