Ózbekstan Respublikası Xalıq bilimlendiriw ministrligi tárepinen

Qaraqalpaqsha awdarmaǵa juwaplı redaktor:
Roza Bayniyazova
— 
Nókis qalası XBB bólimine qaraslı 32-sanlı
ulıwma bilim beriw mektebiniń biologiya páni oqıtıwshısı.
http:eduportal.uz

---

KIRISIW
Biologiya — tirishilik haqqındaǵı pán bolıp, grekshe «bios» — 
tirishilik, «logos» — tálimat (pán) degen mánisti ańlatadı.
Biologiya ataması 1802-jılı francuz ilimpazı J.B.lamark hám 
nemec ilimpazı G.r. Treviranus tárepinen pánge kirgizilgen. Bio-
logiya tirishilik, onıń túrleri, dúzilisi, rawajlanıw nızamlılıqları 
haqqındaǵı pán bolıp tabıladı.
Biologiyanıń úyreniw obyekti bul — viruslar, mikroorganizm-
ler, zamarrıqlar, ósimlikler, haywanlar, adamlar, olardıń organ, 
toqıma, kletka quramı, kletkalarda ótetuǵın procesler hám de 
organizmniń jeke hám tariyxıy rawajlanıwı, jámáátleri, olardıń óz 
ara anorganikalıq tábiyat penen baylanısı esaplanadı.