Ózbekstan Respublikası Xalıq bilimlendiriw ministrligi tárepinen

Salıstırıw usılı
tiri organizmlerdiń hár túrli sistematikalıq 
toparlar, organizmler, biogeocenozlardıń quramlıq bólimlerindegi 
uqsaslıq hám ayırmashılıqtı anıqlaw jolı arqalı olardıń áhmiyetin 
ashıwǵa tiykarlanǵan. Bul usılda alınǵan maǵlıwmatlar menen 
kletka teoriyası biogenetikalıq hám násillik ózgeriwshiliktiń gomo-
logiyalıq qatarları nızamı ashılǵan.
Tariyxıy usıl
dıń biologiyada qollanılıwı Ch.darvinniń atı menen 
baylanıslı. Bul usıl biologiyada tereń sapalı ózgerislerdiń júzege 
keliwine sebep bolǵan faktorlardı úyrenedi. Tariyxıy usıl tirishilik 
qubılısların úyreniwdiń negizine aylanǵan. Bul usıl járdeminde 
organikalıq dúnyanıń evolyuciyalıq tálimatı jaratıldı.
Eksperimental
yaki tájiriybe usılı biologiyada Orta ásirlerde 
(abu ali ibn Sino) baslanǵan bolsa, fizika hám ximiya pánleriniń 
rawajlanıwı sebepli qollanıla basladı. Bul usıl menen organizm-
lerdegi waqıya-hádiyseler basqa usıllarǵa salıstırǵanda tereń úyre-
niledi. Búgingi kúnde joqarıda berilgen usıllar biologiyanıń tiyisli 
tarawlarında paydalanıp kelmekte hám olar birin-biri tolıqtıradı.