Ózbekstan Respublikası Xalıq bilimlendiriw ministrligi tárepinen

Jınıslı kletkalar hám olardıń dúzilisi. 
Jınıslı kletkalar ólshemi 
hám forması jaǵınan bir-birinen parıq qıladı. erkeklik jınıs 
kletkalar — spermatozoid yaǵnıy tuqımlıq kletka, urǵashı jınıs 
kletkalar — analıq máyeklik kletka bolıp esaplanadı. Sperma-
tozoidlar máyek kletkasınan biraz kishi, biraq júdá háreketsheń 
boladı.
Sút emiziwshiler spermatozoidı (35-súwret) uzın jip forma-
sında bolıp, úsh bólimnen: bas, moyın, qıyrıqtan ibarat. Bas 
bóliminde yadro rawajlanadı, basınıń aldınǵı bóliminde cito-
plazmanıń tıǵızlanǵan bólimi bar, sol bólimi spermatozoid jár-
deminde máyek kletkaǵa kiredi. Moyın bóliminde kletka orayı 
hám mitoxondriyalar boladı. Moyın tikkeley quyrıqqa ótedi. 
Quyrıq dúzilisine qaray qamshıǵa uqsaydı hám spermatozoidtıń 
háreketleniw organoidı esaplanadı.