Ўзбекистонда демократик жамият қуриш назарияси ва амалиёти фанининг предмети, объекти, мақсади ва вазифалари

Фанни ўрганишнинг манбалари:
1. Фалсафий манбаларга: демократик жамият ҳақидаги Ғарб, Шарқ ва ҳозирги замон фалсафасига асосланади.
2. Тарихий манбалар: давлатларнинг пайдо бўлиши, ривожланиши, давлатлараро муносабатлар.
3. Дунёвий илдизларга эга: илмий-маърифий, сиёсий, ижтимоий, маданий муносабатлар.
4. Диний манбалар: Авесто (Зардуштларнинг муқаддас китоби), Қуръон (мусулмонларнинг)и Карим, Таврот (Яҳудийларнинг диний таълимоти ҳақидаги қонун), Инжил (носронийларнинг) муқаддас китоби ва ҳ.к.
5. Сиёсий манбалар: мустақиллик ҳақидаги қонунлар, Конституция (Асосий қонун).
6. Иқтисодий манбалар: бозор иқтисодиётига асосланган мулкчиликнинг хилма-хил шакллари.
7. Маънавий-маърифий манбалар: умумбашарий ва миллий, диний, ахлоқий қадриятлар ва ҳ.к.
8. Президент фармони, қарорлари, асарлари, Олий Мажлис қонунлари, Вазирлар Маҳкамаси қарорлари.
Фаннинг асосий тушунчалари ва унинг ўзига хослиги. «Ўзбекистонда демократик жамият қуриш назарияси ва амалиёти» ҳақидаги фан билан боғлиқ тушунчалар мавжуд. Унинг шаклланиши кўп асрлик тарихга эга.
Ижтимоий ҳаётни ташкил этишнинг демократик меъёрлари қадимги дунёга бориб тақалади. Бугунги кунда жаҳоннинг энг ривожланган мамлакатларида демократиянинг асосий ва етакчи тамойилга айлангунча унинг умуминсоний қадрият сифатида ўз тараққиётининг турли босқичларида мураккаб, зиддиятли, баъзан эса фожиали ўзгаришларга учради. Шу нуқтаи назардан, инсониятнинг йиллар мобайнида ишлаб чиққан демократик қадриятларнинг асосий тушунчаларини тўла-тўкис ўзлаштириб олиш жамиятда ислоҳотларни чуқурлаштиришнинг муҳим шартидир. Бу борада Ўзбекистонда демократик жамият қурилишида қўлланиладиган тушунчаларни билиш муҳим ўринни эгаллайди. Уларни ўрганишда қуйидаги учта жиҳатни алоҳида ҳисобга олиш лозим:
1. Ижтимоий гуманитар фанларга тегишли бўлган умумий тушунчалар: Масалан: жамият, цивилизация, эркинлик, ҳуқуқ, қонун, маданият, тараққиёт, демократия.