Ўзбекистон тив ҳолат бўйича баёнот берди ва давлат чегарасини бузганларга кескин чоралар кўрилиши ҳақида огоҳлантирди

Шавкат Мирзиёев ва Эмомали Раҳмон Афғонистон билан чегарадаги вазиятни жуда кескин деб баҳолади

Ўзбекистон Президенти Шавкат Мирзиёев ва Тожикистон президенти Эмомали Раҳмон 23 июнь куни телефон орқали мулоқот қилиб, Марказий Осиёдаги вазият юзасидан фикр алмашганди. Давлат раҳбарлари бугунги кунда қўшни Афғонистонда, хусусан, унинг шимолий ва шимоли-шарқий вилоятларида, икки мамлакатнинг Афғонистон билан давлат чегараси ўтадиган ҳудудлари бўйлаб вужудга келаётган таҳликали вазиятни ҳам муҳокама қилди, деб ёзмоқда Тожикистон президенти матбуот хизмати.
Хабарда айтилишича, президентлар ушбу мамлакат билан чегара чизиғидаги вазиятни жуда кескин деб баҳолади. Давлат раҳбарлари Афғонистонаро тинчлик жараёнини илгари суриш ва қўшни Афғонистонда тинчлик, барқарорлик ва хавфсизликни таъминлашга қаратилган биргаликдаги саъй-ҳаракатларни давом эттиришга келишиб олди. Томонлар ушбу йўналишдаги ҳаракатларни мувофиқлаштиришни давом эттиришга тайёрлигини тасдиқлади.
Суҳбат давомида минтақавий ва халқаро аҳамиятга молик бошқа долзарб масалалар ҳам муҳокама қилинган.
Бундан аввал «Толибон» Афғонистоннинг Тожикистон билан чегарадаги ҳудудини эгаллаб олгани ҳамда тожик-афғон чегарасидаги вазият кескин деб баҳоланаётгани ҳақида хабар берилганди.

4. Афғонистон ҳарбийлари бешта туманни «Толибон»дан озод қилди

Афғонистонда ҳукумат қўшинлари «Толибон» жангариларини мамлакат шимолидаги бир нечта туманлардан сиқиб чиқарди. Бу ҳақда мамлакат Мудофаа вазирлиги вакили Февад Омонга таяниб, Reporterly 23 июнь куни хабар берди.
Афғонистон хавфсизлик кучлари мамлакат шимолида «Толибон»га қарши ҳужумни кучайтирмоқда. Ҳарбийлар бешта туманни озод қилишга ва жангариларнинг қарши ҳужумларини қайтаришга муваффақ бўлди — бир кунда 200 га яқин жангари йўқ қилинди, яна юздан ортиғи ярадор қилинди.
Бундан ташқари, ҳукумат қўшинларининг ҳужумига маҳаллий аҳоли ҳам келиб қўшилди. Афғонистон вилоятларида одамлар ҳукумат жангчиларини қўллаб-қувватлаш учун ўз-ўзини мудофаа қилиш отрядларини тузмоқда.
АҚШ Афғонистондан ўз ҳарбийларини олиб чиқиб кетмоқда, айни пайтгача АҚШ қўшинининг ярми мамлакатни тарк этишга улгурган. Хавфсизлик нуқтаи назаридан Америка ҳарбийларининг Афғонистондан чиқарилиши бўйича маълумотлар фақат фоиз кўринишида тақдим этилмоқда.
Бундан аввал «Толибон» Афғонистоннинг Тожикистон билан чегарадаги ҳудудини эгаллаб олгани ҳамда тожик-афғон чегарасидаги вазият кескин деб баҳоланаётгани ҳақида хабар берилганди.

5.