“Ўзбекистон темир йўллари” датк

9-амалиёт иши


Тўғри йўналишларда – ички қатновларда тариф масофаларини аниқлаш


Амалиёт ишини бажаришдан мақсад: талабаларга тўғри йўналишларда – ички қатновларда тариф масофаларини аниқлашни ўргатиш, билим ва кўникмаларини шакллантириш.
Тариф масофаларини аниқлаш учун, учта (1, 2 ва 3) китобдан иборат бўлган №4 Тариф қўлланма [2], [3] ва [4] ларидан фойдаланилади.
Агар жўнатувчи ва тайинланган станциялар “Ўзбекистон темир йўллари” АЖ нинг бошқа-бошқа участкаларида жойлашган бўлиб ва шу участкалар орасида бир ёки бир нечта транзит участкалар бўлса (9.1-расм), у ҳолда жўнатувчи станциядан ва тайинланган станциягача бўлган тариф масофа (ℓ_df) жўнатувчи станциядан ҳаракат йўналишидаги биринчи транзит пунктгача (ℓ_dB), биринчи ва охирги транзит пунктлар орасидаги (ℓ_BM) ва ҳаракат йўналишидаги охирги транзит пунктдан тайинланган станциягача (ℓ_Mf) бўлган масофаларни қўшиш орқали ҳисобланади.

ℓ_df = ℓ_dB + ℓ_BM + ℓ_Mf , км

9.1-расм. Темир йўлларда тариф масофасини аниқлаш чизмаси

бу ерда A, B, ....., M ва N – транзит пункт (узел станция) лар;

d – жўнатувчи станция;
f - тайинланган станция;
АB – жўнатувчи (станция жойлашган) участка;
B ......... M – транзит участкалар;
MN – тайинланган (станция жойлашган) участка;
B – жўнатувчи (станция жойлашган) участкадан чиқувчи транзит пункт;
M – тайинланган (станция жойлашган) участкага кирувчи транзит пункт;
Жўнатувчи (станция жойлашган) участкадан чиқувчи транзит пунктни ва тайинланган (станция жойлашган) участкага кирувчи транзит пунктни белгилаб олиш учун темир йўл тармоқ харитасидан фойдаланилади. Темир йўл харитаси бўлмаса чиқувчи ва кирувчи транзит пунктларни аниқлаш учун улар орасидаги масофаларни кетма -кет 4 маротаба аниқланади (3-китоб [4], транзит пунктлар орасидаги тариф масофалар) ва энг кам масофага эга бўлгани чиқувчи транзит пункти ва кирувчи транзит пункти деб қабул қилинади.