“Ўзбекистон темир йўллари” датк

4.1-расм. Минтақавий темир йўл бўлинмаси участкаларидаги юк оқимларининг диаграммасини

А станцияси бўйича қабул қилиш 14,0 минг т., бу юк оқимига А станциясини шарқ йўналишига ортган юкларни қўшиб қўйиш ва ундан А станциясига ғарбдан тушириш учун етиб келган юкларни олиб қолиш керак.
Умумий қия жадвални маълумотлари асосида, шуни аниқлаш мумкинки: А станцияси ҳаммаси бўлиб 1,5 минг т. юк ортади, шундан шарққа 1,0 минг т. ва ғарбга 0,5 минг т.
А станцияси ҳаммаси бўлиб 1,9 минг т., шундан 1,4 минг т. шарқдан ва 0,5 минг т. ғарбдан юк туширади.Бу маълумотлар диаграммага киритилади.
Диаграммага юк оқимлари ўнг томонлама ҳаракат қоидаси бўйича киритилади. Юк оқимлари шарққа ҳисобланаётганлиги сабабли, ўнгга пастдан ҳаракат йўналиши бўйича маълумотлар тўлғазилиб борилади. Йўлма – йўл юқоридан қарама – қарши юк оқимлари учун маълумотларни тўлғазиб бориш мумкин.
А станциясини шарққа 1,0 минг т. юк ортишини ва шу йўналишда ғарбдан 0,5 минг т. юк туширишини инобатга олиб, А станциясидан шарққа 14,5 минг т. юк оқими чиқиши аниқланади. Худди шундай АБ участкасини, Б станцияси ва БО участкасини ортиш ва туширишлари ҳисобланади. Шундай қилиб Б станциясидан 16,2 минг т. юк оқими чиқади, БО участкаси шарққа 0,9 минг т. юк ортади ва ғарбдан 0,3 минг т. юк туширади. Демак О узелига ғарбдан 16,8 минг т. юк етиб келади. Бу эса иккинчи босқичда диаграммада қўйилган узелга кириб келадиган сонга мувофиқ келади. Шундай қилиб биринчи ва иккинчи босқичда диаграммага киритилган маълумотлар, учинчи босқич ишлари – барча йўналишлар бўйича юк оқимларини ҳисоблашда назорат аҳамиятини ўтайди.
Бошқа участкалар ва йўналишлар бўйича юк оқимларини ҳисоблаш худди шундай тартибларда амалга оширилади. Юк оқимларини О узелидан ғарбга ҳисоблашда юкларни ортиш ва туширишни бу йўналишга олдиндан киритилган маълумотлардан фойдаланиш мумкин.