Ўзбекистон тарихи

ЧИРЧИҚ ОЛИЙ ТАНК ҚУМОНДОН - МУҲАНДИСЛИК БИЛИМ ЮРТИ Гуманитар ва ижтимоий – иқтисодий фанлар кафедраси “Ўзбекистон тарихи” фанидан МАЪРУЗА МАВЗУ: 11/1. Туркистонда, Бухоро амирлиги ва Хива хонлигида Мустабид советлар тузумининг ўрнатилиши. Сиёсий қатағонликлар (1917-1939 йй).

1. Туркистонда мустабид советлар тузумининг ўрнатилиши. Туркистон мухториятини қонга ботирилиши. Миллий озодлик ҳаракатлари. 2. Хива хонлиги ва Бухоро амирлигининг қизил армия томонидан тугатилиши. ХХСР ва БХСРнинг ташкил топиши. Миллий ҳудудий чегараланиши. 3. Шахсга сиғиниш даврида сиёсий қатағонликларни кучайиши.

ЎҚУВ САВОЛЛАРИ:

Мавзунинг мақсади:

Тингловчи курсантларга ватанимизда Шўролар ҳокимиятининг ўрнатилиши, миллий мустақиллик учун курашлар, Россияда 1917 йил феврал инқилоби ва унинг Туркистонга таъсири Хива хонлиги ҳамда Бухоро амирлигининг тугатилиши, сиёсий тусдаги ҳаракатлар тўғрисида илмий назарий билимлар бериш.

Тошкентда 1917 йил 16 апрелда “Шўрои Исломия”нинг Тошкент ташкилоти ташаббуси билан чақирилган Бутунтуркистон, мусул-монларининг 1 қурултойи иш бошлади.

Раҳбар орган - Туркистон ўлка мусулмон шўроси ташкил этилиши ҳақида қарор қабул қилинди.

Мунаввар қори бошчилигидаги “Шўрои Исломия” дан 1917 йил июн ойида диний уламолардан ташкил топган «Шўрои Уламо» ажралиб чиқди.

1917 йил 27 февралда Петроградда демократик инқилоб ғалабаси Туркистон ўлкасига ҳам ўз таъсирини ўтказди. 31 март куни рус подшосининг ўлкадаги таянчи - Туркистон генерал-губернатори ҳокимиятни тарк этди. 1917 йил 7 апрелда Муваққат ҳукумат қарори билан

Н. Шчепкин раислигида Туркистон қўмитаси ташкил қилинди.

1917 йил 10 сентябрда Тошкентда Бутунтуркистон мусулмонларининг II - қурултойи очилди.

Тошкентда 1917 йил 17-20 сентябрда туркистонлик ва қозоқ мусулмонларининг қурултойида «Шўрои Исломия», «Шўрои Уламо», «Турон» ва бошқаларни бирлаштириш йўли билан бутун Туркистон ва Қозоғистон учун умумий бўлган «Иттифоқи муслимин» деган сиёсий партия тузишга қарор қилинди.