Ўзбекистон респупликаси

4. Darslikka qo‘yiladigan talablar.
Darslik o‘quvchilar bilimining izchil o‘sishiga, ilmiy asosga tayanishiga imkon berishi bolalarning yoshini hisobga olish, mavzularning mantiqiy aloqadorligiga e’tibor berishi lozim. Unda milliy va umuminsoniy qadriyatlar targ‘ib qilinishi, o‘quvchilardagi yuksak axloqiy va estetik didlarning shakllanishi va tarbiyalanishiga xizmat qilmog‘i lozim. Darslik tutgan rutbani faqat o‘qituvchi mavqeidangina keyin qo‘yish mumkin. Har qanday darslikda o‘quvchi ruhining ehtiyoj, intilish va imkoniyatlari aks etgan bo‘lishi kerak. Darsliklarda ilmdagi bahsli o‘rinlar, asosli yechimi bo‘lmagan xulosalar, noaniq nazariy hamda faktik ma’lumotlar, shuningdek, o‘ta murakkab tushunchalar, o‘ta "akademik" tilda bayon qilingan ifoda uslubi bo‘lishiga yo‘l qo‘ymaslik kerak. Har bir adabiy matnga albatta savol va topshiriq(s-t)lar berilishi maqsadga muvofiq. Chunki ular o‘qituvchi va o‘quvchilarni asar ustida ishlashlariga yo‘naltiruvchi didaktik apparat sanaladi. Lekin savol va topshiriqlar darslikdagi ma’lumot yoki talqinlarning qayta so‘zlab berilishini talab qiluvchi rasmiy taomil bo‘lib qolmasligi darkor. Mazmun-mohiyatiga ko‘ra s-tlar ikki xil: faktologik va konseptual xarakterda bo‘ladi.
Darsliklarning bezatilishi, chop etilish darajasi, harflarning holati, qog‘oz sifati singari jihatlar ham kam ahamiyatga ega emas.
Tushunilishi qiyin so‘zlar lug‘atini berishda ham alohida mas'uliyat talab qilinadi. Bunda nafaqat so‘zlarning luqaviy ma’nosi, balki kontekstual ma’nosi e’tiborga olinadi.
5. Qo‘llanmalar haqida ma’lumot.
Qo‘llanmalar ikki xil bo‘ladi: o‘quv hamda metodik.
O‘quv qo‘llanmalari darslikka qo‘shimcha tarzda yaratilib, unda qo‘shimcha ma’lumot va boshqa tafsilotlar berilishi mumkin. Masalan, M.Tojiboeva. Milliy uyg‘onish davri o‘zbek adabiyoti. T.: "Yangi avlod", 2009.
Shuningdek, darslik yaratilgunga qadar u yoki bu predmet bo‘yicha yozilgan, asosiy ma’lumot va tushunchalarni o‘z ichiga olgan risola ham o‘quv qo‘llanmasidir. Masalan, B. To‘xliyevning "Adabiyot o‘qitish metodikasi. T.: "Yangi asr avlodi", 2006.