Ўзбекистон респупликаси

5. Umumiy pedagogik tahlil.
Umumiy pedagogik tahlil darsdagi hamma jihatlarning qisqa va yengil ko‘rinishidagi tahlilidir. Darsni umumpedagogik jihatdan tahlil qilganda quyidagilar hisobga olinadi:
1. Dars jihozlari.
2. Sanitariya-gigiyena holati.
3. Dars bosqichlaridan to‘g‘ri foydalanish.
4. O‘qituvchining pedagogik-psixologik jihatdan namunali shaxs darajasiga ko‘tarila olishi.
5. O‘quvchi bilimiga qo‘yiladigan bahoning adolatli, izohli bo‘lishi.
6. O‘quvchilarning intizomi.
7. Tashqi muhit, ish sharoiti.
8. Partalarning o‘quvchilar gavdasiga mosligi.
9. Darslikdagi savollar.
10.O‘qituvchining o‘quvchiga bergan savollari.
11 .O‘quvchining o‘qituvchiga bergan savollari.
O‘quvchining darsda bajargan ishi, mehnati dars talabi jihatdan foydali yoki foydasiz bo‘lib chiqishi mumkin. Bu jihatdan tahlil qilishda quyidagilar hisobga olinadi:
a) o‘quvchilarni qo‘yilgan masalani o‘rganishga tayyorlash;
b) darslik va boshqa qo‘llanmalar ustida ishlash, qo‘shimcha adabiyotlardan foydalanish;
v) mustaqil ishlash jarayonida o‘qituvchi suhbatining o‘quvchiga ta’siri;
g) o‘quvchining o‘zi bajargan mustaqil ishdan yakuniy xulosa chiqara olishi;
d) o‘rganilgan ta’rif va qoidalarni mustaqil ish jarayonida qo‘llay olishi.
Umumiy pedagogik tahlil sohasida ko‘p tajribalardan kelib chiqib, quyidagi maslahatlar o‘rtaga tashlanmoqda:
1. Berilgan savolga birdaniga javob ayta olmaydigan o‘quvchi uchun (javobni o‘ylash uchun) bir oz qo‘shimcha vaqt berilishi zarur.
2. Javobni boshlashda qiynalgan o‘quvchiga o‘qituvchining yordam berib yuborishi o‘rinlidir.
3. Bahoni sharhlash kerak.
4. Muomalada ehtiyot bo‘lish zarur.


Adabiyotlar:
1. Dolimov S., Ubaydullaev H., Ahmedov Q. Adabiyot o‘qitish metodikasi. T,: "O‘qituvchi", 1967.
2. Yo‘ldoshev Q. Adabiyot o‘qitishning ilmiy-nazariy asoslari. T. 1996.
3. To‘xliyev B. Adabiyot o‘qitish metodikasi. T.: "Yangi asr avlodi", 2006.