Ўзбекистон республикасининг

II БЎЛИМ. ЖАРИМА, МУАЙЯН ҲУҚУҚДАН
МАҲРУМ ҚИЛИШ ВА АХЛОҚ ТУЗАТИШ ИШЛАРИ
ТАРИҚАСИДАГИ ЖАЗОЛАРНИ ИЖРО ЭТИШ

5-боб. Жарима тариқасидаги жазони ижро этиш (19-20 моддалар)

6-боб. Муайян ҳуқуқдан маҳрум қилиш тариқасидаги
жазони ижро этиш (21-25 моддалар)
7-боб. Ахлоқ тузатиш ишлари тариқасидаги жазони
ижро этиш (26-33 моддалар)
5-БОБ. ЖАРИМА ТАРИҚАСИДАГИ
ЖАЗОНИ ИЖРО ЭТИШ

19-модда. Жазони ижро этиш тартиби

20-модда. Жаримани тўлашдан бўйин товлаш оқибатлари
19-модда. Жазони ижро этиш тартиби

Жарима тариқасидаги жазога ҳукм қилинган шахс жаримани ҳукм қонуний кучга кирган кундан бошлаб уч ойлик муддат ичида ихтиёрий равишда тўлаши шарт.

Агар белгиланган муддатда жаримани тўлиқ миқдорда тўлашга маҳкумнинг имкони бўлмаса, суд унинг илтимосномасига кўра ҳукмнинг ижросини Жиноят-процессуал кодексининг 533-моддасида белгиланган тартибда кечиктириши ёки жаримани бўлиб-бўлиб тўлашга рухсат этиши мумкин.
20-модда. Жаримани тўлашдан
бўйин товлаш оқибатлари

Маҳкумнинг жаримани тўлашдан бўйин товлаши бу жазони Жиноят кодексининг 44 ва 82-моддаларида назарда тутилган тартибда ва доирада бошқа жазо билан алмаштиришга сабаб бўлади.

6-БОБ. МУАЙЯН ҲУҚУҚДАН МАҲРУМ ҚИЛИШ
ТАРИҚАСИДАГИ ЖАЗОНИ ИЖРО ЭТИШ

21-модда. Жазони ижро этиш тартиби

22-модда. Жазоларни ижро этиш инспекциясининг мажбуриятлари
23-модда. Корхона, муассаса, ташкилот маъмуриятининг
ҳукмни ижро этиш борасидаги мажбуриятлари
24-модда. Муайян фаолият тури билан шуғулланиш учун берилган
рухсатномани бекор қилишга ваколатли органнинг мажбуриятлари
25-модда. Маҳкумнинг мажбуриятлари
21-модда. Жазони ижро этиш тартиби

Муайян ҳуқуқдан маҳрум қилиш тариқасидаги жазо ижроси маҳкумнинг яшаш жойидаги ички ишлар органларининг жазоларни ижро этиш инспекцияси томонидан амалга оширилади.

Қамоқ ёки озодликдан маҳрум қилиш тариқасидаги жазога қўшимча равишда тайинланган муайян ҳуқуқдан маҳрум қилиш тариқасидаги жазонинг ижроси асосий жазони ижро этувчи орган томонидан амалга оширилади.