Ўзбекистон республикасининг

9-БОБ. ОЗОДЛИКДАН МАҲРУМ ҚИЛИШ
ТАРИҚАСИДАГИ ЖАЗОНИ ИЖРО
ЭТИШ МУАССАСАЛАРИ

45-модда. Жазони ижро этиш муассасаларининг турлари

46-модда. Манзил-колониялар
47-модда. Умумий тартибли колониялар
48-модда. Қаттиқ тартибли колониялар
49-модда. Махсус тартибли колониялар
50-модда. Тарбия колониялари
51-модда. Кучайтирилган тартибли тарбия колониялари
52-модда. Турмалар
53-модда. Маҳкумларни тергов ҳибсхонасида ёки турмада қолдириш
45-модда. Жазони ижро этиш
муассасаларининг турлари

Озодликдан маҳрум қилиш тариқасидаги жазо ижросини жазони ижро этиш муассасалари амалга оширади.

Жазони ижро этиш муассасаларига қуйидагилар киради:
жазони ижро этиш колониялари;
тарбия колониялари;
турмалар.
Тергов ҳибсхоналари озодликдан маҳрум этишга ҳукм қилинган ва хўжалик хизматига оид ишларни бажариш учун қолдирилган шахсларга нисбатан жазони ижро этиш муассасалари вазифасини бажаради.
Жазони ижро этиш колониялари манзил-колонияларга, умумий, қаттиқ, махсус тартибли колонияларга бўлинади ҳамда вояга етган маҳкумларни сақлаш учун мўлжалланган.
Тарбия колониялари вояга етмаган маҳкумларни сақлаш учун мўлжалланган. (ЎзР 12.12.2003 й. 568-II-сон Қонуни таҳриридаги қисм)
Турмалар вояга етган маҳкумларни сақлаш учун мўлжалланган.
46-модда. Манзил-колониялар

Манзил-колониялар қуйидагиларга бўлинади:

ижтимоий хавфи катта бўлмаган жиноятлар, эҳтиётсизлик оқибатида содир этилган унча оғир бўлмаган жиноятлар учун шунингдек қасддан унча оғир бўлмаган жиноят содир этганлик учун озодликдан маҳрум этишга ҳукм қилинган шахслар сақланадиган манзил-колониялар; (ЎзР 12.12.2003 й. 568-II-сон Қонуни таҳриридаги хат боши)
умумий, қаттиқ тартибли колониялардан, шунингдек тарбия колонияларидан ўтказилган маҳкумлар сақланадиган манзил-колониялар. (ЎзР 30.08.2003 й. 535-II-сон Қонуни таҳриридаги модда матни), (Олдинги таҳририга қаранг)