Ўзбекистон республикасининг

51-модда. Кучайтирилган
тартибли тарбия колониялари

Кучайтирилган тартибли тарбия колониялари илгари қасддан содир этилган жиноят учун озодликдан маҳрум қилиш тариқасидаги жазони ўтаган ва қасддан жиноят содир этганлик учун яна судланган эркак жинсига мансуб вояга етмаган шахсларни сақлаб туришга мўлжалланган.

52-модда. Турмалар

Турмалар турма қамоғига ҳукм қилинган шахсларни, шунингдек умумий ва қаттиқ тартибли колониялардан жазони ўташ тартибини ашаддий бузганлиги учун ўтказилган шахсларни сақлаш учун мўлжалланган.

53-модда. Маҳкумларни тергов
ҳибсхонасида ёки турмада қолдириш

Қасддан содир этилган оғир жинояти учун биринчи марта саккиз йилгача ва саккиз йил муддатга озодликдан маҳрум этишга ҳукм қилинган шахслар алоҳида ҳолларда, маҳкумнинг ёзма розилиги бўлган тақдирда, муассаса бошлиғининг қарорига биноан хўжалик хизматига оид ишларни бажариш учун тергов ҳибсхонаси ёки турмада қолдирилиши мумкин. (ЎзР 12.12.2003 й. 568-II-сон Қонуни таҳриридаги қисм), (Олдинги таҳририга қаранг)

Хўжалик хизматига оид ишларни бажариш учун тергов ҳибсхонасида ёки турмада қолдирилган маҳкумлар жазони қулфлаб қўйилмайдиган умумий камераларда, бошқа шахслардан батамом ажратилган ҳолда, ушбу Кодекснинг 18-бобида назарда тутилган шароитларда ўтайдилар. Маҳкумларга узоқ муддатли учрашувга рухсат бериш имконияти бўлмаса, уларга битта узоқ муддатли учрашув ўрнига иккита қисқа муддатли учрашувга рухсат берилади.
Вояга етмаган шахслар, ажнабий фуқаролар ва фуқаролиги бўлмаган шахслар, шунингдек судлар ва ҳуқуқ-тартиботни муҳофаза қилиш органларининг собиқ ходимларига мансуб маҳкумлар хўжалик хизматига оид ишларни бажариш учун қолдирилмайдилар.
10-БОБ. ОЗОДЛИКДАН МАҲРУМ ҚИЛИШ
ТАРИҚАСИДАГИ ЖАЗО ИЖРОСИНИ ТАШКИЛ ЭТИШ

54-модда. Маҳкумларни жазони ўташ учун жўнатиш

55-модда. Маҳкумлар жазони ўташ учун жўнатилганлиги
ва етиб келганлиги тўғрисида хабар
56-модда. Маҳкумларни жазони ижро этиш
муассасаларига қабул қилиш тартиби
57-модда. Жазони битта муассасада ўташ
58-модда. Маҳкумларни ажратилган ҳолда сақлаш
59-модда. Турли тоифадаги маҳкумларни бирга сақлаш ҳоллари
60-модда. Маҳкумларни кўчириш
61-модда. Маҳкумларни сақлаш шароитининг ўзгартирилиши