Ўзбекистон республикасининг

IX БЎЛИМ. БОШҚА ЖИНОЯТ-ҲУҚУҚИЙ
ТАЪСИР ЧОРАЛАРИНИ ИЖРО ЭТИШ

31-боб. Бошқа жиноят-ҳуқуқий таъсир чораларининг турлари ва уларни ижро этиш асоси (174-175 моддалар)

32-боб. Шартли ҳукм қилинган шахслар устидан назорат (176-180 моддалар)
33-боб. Тиббий йўсиндаги мажбурлов чораларини ижро этиш (181-194 моддалар)
34-боб. Вояга етмаган шахсларга нисбатан мажбурлов чораларини қўллаш (195-197 моддалар)
31-БОБ. БОШҚА ЖИНОЯТ-ҲУҚУҚИЙ ТАЪСИР
ЧОРАЛАРИНИНГ ТУРЛАРИ ВА УЛАРНИ
ИЖРО ЭТИШ АСОСИ

174-модда. Бошқа жиноят-ҳуқуқий таъсир чораларининг турлари

175-модда. Бошқа жиноят-ҳуқуқий таъсир чораларини ижро этиш асоси
174-модда. Бошқа жиноят-ҳуқуқий
таъсир чораларининг турлари

Бошқа жиноят-ҳуқуқий таъсир чоралари жумласига: шартли ҳукм қилиш; тиббий йўсиндаги мажбурлов чоралари; вояга етмаганларга нисбатан мажбурлов чоралари киради.

175-модда. Бошқа жиноят-ҳуқуқий
таъсир чораларини ижро этиш асоси

Бошқа жиноят-ҳуқуқий таъсир чораларини ижро этиш учун суднинг қонуний кучга кирган ҳукми ёки ажрими асос бўлади.

Бошқа жиноят-ҳуқуқий таъсир чоралари Жиноят кодексининг 72, 87, 94-96-моддаларида назарда тутилган ҳолларда ва тартибда суд томонидан тайинланади.
32-БОБ. ШАРТЛИ ҲУКМ ҚИЛИНГАН
ШАХСЛАР УСТИДАН НАЗОРАТ

176-модда. Шартли ҳукм қилинган шахслар хулқ-атвори устидан назоратни амалга ошириш тартиби

177-модда. Шартли ҳукм қилинган шахсларнинг мажбуриятлари
178-модда. Судга тақдимнома киритиш
179-модда. Синов муддатини ҳисоблаш
180-модда. Шартли ҳукм қилинган шахс хулқ-атвори устидан назоратни тугатиш
176-модда. Шартли ҳукм қилинган шахслар
хулқ-атвори устидан назоратни амалга ошириш тартиби

Жазоларни ижро этиш инспекцияси шартли ҳукм қилинган шахсларни рўйхатга олади ва суд белгилаган синов муддати мобайнида уларнинг зиммасига юкланган мажбуриятлар бажарилишини текшириб боради.

Шартли ҳукм қилинган шахс ҳарбий хизматга чақирилган тақдирда жазоларни ижро этиш инспекцияси суд ҳукми (ажрими) нусхасини ҳамда ҳарбий хизмат ўташ жойида унинг хулқ-атвори устидан назорат қилиш учун керакли бошқа ҳужжатларни мудофаа ишлари бўйича тегишли бўлимга юборади. Ҳарбий қисм (муассаса) қўмондонлиги ўн кунлик муддат ичида маҳкум рўйхатга олинганлиги тўғрисида, хизматни тугатганидан кейин эса, жўнаб кетганлиги тўғрисида жазоларни ижро этиш инспекциясига хабар қилиши шарт.