Ўзбекистон республикасининг

162-модда. Мол-мулкни мусодара қилиш
тариқасидаги жазони ижро этиш тартиби

Мол-мулкни мусодара қилиш тўғрисида ҳукм чиқарган суд ижро варақаси, мол-мулк рўйхати ва ҳукм нусхасини ижро этиш учун суд ижрочисига белгиланган тартибда юбориб, бу ҳақда тегишли солиқ органини хабардор этади.

Мусодара қилинган мол-мулкни олиб қўйиш, ўтказиш ва сотиш қонун ҳужжатларида белгиланган тартибда амалга оширилади.
VIII БЎЛИМ. ЖАЗОНИ
ЎТАШДАН ОЗОД ҚИЛИШ

28-боб. Жазони ўташдан муддатидан илгари озод қилиш (163-166 моддалар)

29-боб. Жазо ижросини тугатиш (167-170 моддалар)
30-боб. Жазони ижро этиш муассасаларидан озод қилиш тартиби (171-173 моддалар)
28-БОБ. ЖАЗОНИ ЎТАШДАН МУДДАТИДАН
ИЛГАРИ ОЗОД ҚИЛИШ

163-модда. Жазони ўташдан муддатидан илгари озод қилиш ҳоллари

164-модда. Маҳкумларни муддатидан илгари шартли озод қилишга, шунингдек жазони енгилроғи билан алмаштиришга тақдим этиш тартиби
165-модда. Касаллик туфайли ёки меҳнат қобилиятини йўқотганлик оқибатида жазодан озод қилишга тақдим этиш тартиби
166-модда. Жазодан амнистия ёки авф акти асосида озод қилиш тартиби қонун ҳужжатлари билан белгиланади
163-модда. Жазони ўташдан муддатидан
илгари озод қилиш ҳоллари

Суд томонидан тайинланган жазо муддати тугагунга қадар маҳкум қуйидаги ҳолларда жазони ўташдан озод қилиниши мумкин:

муддатидан илгари шартли озод қилинганда;
жазо енгилроғи билан алмаштирилганда;
касаллиги ёки меҳнат қобилиятини йўқотганлиги туфайли;
амнистия ёки авф этилганлиги туфайли.
164-модда. Маҳкумларни муддатидан илгари шартли
озод қилишга, шунингдек жазони енгилроғи билан
алмаштиришга тақдим этиш тартиби

Жазодан муддатидан илгари шартли озод қилиш, шунингдек жазони енгилроғи билан алмаштириш суд томонидан Жиноят-процессуал кодексининг 536-моддасида белгиланган тартибда қўлланилади.

Маҳкум жазо муддатининг Жиноят кодекси 73, 74, 89 ва 90-моддаларида белгиланган қисмини ўтаб бўлганидан сўнг бир ойлик муддат ичида жазони ижро этувчи муассаса ёки орган маъмурияти уни жазони ўташдан муддатидан илгари шартли озод қилиш ёки жазонинг ўталмаган қисмини енгилроқ жазо билан алмаштиришга тақдим этиш масаласини агар маҳкум ёки унинг адвокати тегишли илтимоснома билан судга бевосита мурожаат этмаган бўлса кўриб чиқиши ҳамда тақдим қилиш ёки рад этиш ҳақида қарор чиқариши шарт. (ЎзР 12.12.2003 й. 568-II-сон Қонуни таҳриридаги қисм)
Маъмурият маҳкумни жазодан муддатидан илгари шартли озод қилишга ёки жазони енгилроғи билан алмаштиришга тақдим этишни рад этган тақдирда маҳкум ёки унинг адвокати судга тегишли илтимоснома билан мурожаат этишга ҳақли.
Муайян ҳуқуқдан маҳрум этиш тариқасидаги жазодан озод қилиш жамоат бирлашмаси, жамоа, маҳкумнинг ўзи ёки унинг ҳимоячиси илтимосномасига биноан суд томонидан амалга оширилади.
Суд жазодан муддатидан илгари шартли озод қилиш ёки жазони енгилроғи билан алмаштиришни рад этган тақдирда, бу ҳақда ажрим чиққан кундан бошлаб камида олти ой ўтганидан кейин тақдимнома такроран киритилиши ёки илтимоснома такроран берилиши мумкин.