Ўзбекистон республикасининг

II КИЧИК БЎЛИМ. КОЛОНИЯЛАР
ВА ТУРМАЛАРДА ЖАЗОНИ ЎТАШ

17-боб. Манзил-колонияларда жазони ўташ (113-115 моддалар)

18-боб. Умумий тартибли колонияларда жазони ўташ (116-117 моддалар)
19-боб. Қаттиқ тартибли колонияларда жазони ўташ (118-119 моддалар)
20-боб. Махсус тартибли колонияларда жазони ўташ (120-121 моддалар)
21-боб. Турмаларда жазони ўташ (122-123 моддалар)
22-боб. Тарбия колонияларида жазони ўташ (124-129 моддалар)
23-боб. Айрим тоифадаги маҳкумлар томонидан жазони ўташ хусусиятлари (130-135 моддалар)
17-БОБ. МАНЗИЛ-КОЛОНИЯЛАРДА
ЖАЗОНИ ЎТАШ

113-модда. Манзил-колонияларда жазони ўташ тартиби

114-модда. Манзил-колонияларда жазони ўташ шартлари
115-модда. Манзил-колонияларда маҳкумлар меҳнати ва таълими
113-модда. Манзил-колонияларда
жазони ўташ тартиби

Манзил-колонияларда мазкур муассасага суд ҳукмига биноан келган, шунингдек умумий, қаттиқ тартибли ҳамда тарбия колонияларидан суднинг ажрими асосида ўтказилган вояга етган маҳкумлар жазо ўтайдилар.

Манзил-колонияларга ижобий тавсифга эга ва:

ЎзР 12.12.2003 й. 568-II-сон Қонунига мувофиқ иккинчи қисмининг иккинчи хатбошиси чиқариб ташланган

қасддан унча оғир бўлмаган жиноят содир этганлик учун суд тайинлаган жазо муддатининг камида бешдан бир қисмини ўтаган маҳкумлар;

оғир жиноят, шунингдек қасддан жиноят содир этганлик учун суд тайинлаган жазо муддатининг камида тўртдан бир қисмини ўтаган маҳкумлар, агар шахс муқаддам қасддан содир этилган жиноят учун озодликдан маҳрум этишга ҳукм қилинган бўлса;

муқаддам жазодан шартли равишда муддатидан илгари озод этилган ёки жазо суд томонидан енгилроғи билан алмаштирилган шахс ўта оғир жиноят, шунингдек жазо муддатининг ўталмаган қисми давомида қасддан янги жиноят содир этганлиги учун суд тайинлаган жазо муддатининг камида учдан бир қисмини ўтаган маҳкумлар ўтказилади. (ЎзР 30.08.2003 й. 535-II-сон Қонуни таҳриридаги қисм), (Олдинги таҳририга қаранг)
Манзил-колонияларга қуйидагилар ўтказилмайди:
ўта хавфли рецидивистлар;
ўлим жазоси авф этиш тартибида озодликдан маҳрум қилиш жазоси билан алмаштирилган шахслар;
юқумли касалликларга чалинган беморлар;
мажбурий даволанишдан ўтаётган маҳкумлар;
меҳнатга қобилиятсиз маҳкумлар.
Битта манзил-колонияда маҳкум эркаклар ва аёллар сақланиши мумкин.