Ўзбекистон Республикасининг Қонунига тақҚослаш жадвали

317-модда. Чегириб ташланмайдиган харажатлар Солиқ базасини аниқлашда чегириб ташланмайдиган харажатлар жумласига қуйидагилар киради: 1) қонунчиликка мувофиқ ваколатли орган томонидан белгиланган моддий қимматликларнинг табиий камайиши нормаларидан, улар мавжуд бўлмаганда эса, солиқ тўловчи томонидан белгиланган нормалардан ортиқча товарлар йўқолиши; ... 7) хайрия ёрдамини амалга ошириш учун харажатлар, бундан меценатлик кўмагини кўрсатиш, ўқув-тарбия муассасаларига ёки етим болаларга ва ота-она қарамоғидан маҳрум бўлган болаларга моддий ёрдам кўрсатиш учун йўналтирилган маблағлар мустасно; 21) солиқ тўловчининг амортизация қилинмайдиган мол-мулкнинг бошланғич қийматига ушбу Кодекс 306-моддасига мувофиқ киритиладиган харажатлари; ...
306-модда билан таклиф қилинаётган таҳрирга мувофиқлаштирилмоқда.
320-модда. Курсдаги фарқларга солиқ солишнинг ўзига хос хусусиятлари (биринчи қисм) Баланснинг валюта моддаларини қайта баҳолашда, шунингдек чет эл валютасида операцияларни амалга ошириш чоғида юзага келадиган курсдаги ижобий (салбий) фарқ бухгалтерия ҳисоби тўғрисидаги қонунчиликка мувофиқ жами даромадлар (харажатлар) таркибига киритилади. Тўлдирилмоқда Тўлдирилмоқда		320-модда. Курсдаги фарқларга солиқ солишнинг ўзига хос хусусиятлари (биринчи қисм) Валюта қимматликлари тарзидаги мол-мулкни (бундан чет эл валютасида ифодаланган қимматли қоғозлар мустасно) ва қиймати чет валютасида ифодаланган талаб қилиш тарзидаги мол-мулкни қўшимча баҳолашда ёки қиймати чет эл валютасида ифодаланган мажбуриятларнинг қийматини пасайтиришда юзага келадиган курсдаги фарқ ушбу боб мақсадларида курсдаги ижобий фарқ деб эътироф этилади. (иккинчи қисм) Валюта қимматликлари тарзидаги мол-мулкнинг (бундан чет эл валютасида ифодаланган қимматли қоғозлар мустасно) ва қиймати чет валютасида ифодаланган талаб қилиш тарзидаги мол-мулкнинг қийматини пасайтиришда ёки қиймати чет эл валютасида ифодаланган мажбуриятларни қўшимча баҳолашда юзага келадиган курсдаги фарқ ушбу боб мақсадларида курсдаги салбий фарқ деб эътироф этилади. (учинчи қисм) Кўрсатилган қийматни қўшимча баҳолаш ёки пасайтириш чет эл валютаси расмий курсининг Ўзбекистон Республикаси Марказий банки томонидан белгиланган Ўзбекистон Республикаси миллий валютасига нисбатан ўзгариши ёхуд чет эл валютаси (шартли пул бирликлари) курсининг қонунчиликда ёки тарафларнинг битимида белгиланган Ўзбекистон Республикаси миллий валютасига нисбатан ўзгариши муносабати билан амалга оширилган тақдирда, агар ушбу чет эл валютасида (шартли пул бирликларида) ифодаланган Ўзбекистон Республикаси миллий валютасида тўланиши лозим бўлган талабларнинг (мажбуриятларнинг) қиймати тегишинча тарафларнинг қонунчилигида ёки битимида белгиланган курс бўйича аниқланса, ушбу модда қоидалари қўлланилади. (тўртинчи қисм) Курсдаги ижобий фарқ жами даромад таркибига, курсдаги салбий фарқ – харажатлар таркибига киритилади. (бешинчи қисм) Берилган (олинган) бўнакларни қайта баҳолашдан юзага келадиган курсдаги ижобий (салбий) фарқ солиқ солиш мақсадларида ҳисобга олинмайди.		21 -сон БҲХС “Монетар моддалар - бу эгалик қилинаётган валюта бирликлари ва валюта бирликларининг қатъий белгиланган ёки аниқланадиган миқдорида олинадиган ёки тўланадиган активлар ва мажбуриятлардир”. МҲХСларни жорий этилиши муносабати билан монетар ва номонетар моддаларга аниқлик киритилмоқда. Бундай ҳолда, берилган ва олинган аванслар номонетар моддалар ҳисобланади. Шунингдек, Солиқ кодексининг 305 -моддасига мувофиқ “Агар ушбу бўлимда бошқача қоида назарда тутилмаган бўлса, солиқ солиш мақсадларида, бухгалтерия ҳисоби тўғрисидаги қонунчиликни қўллаш чоғида активлар ва (ёки) мажбуриятларнинг қиймати ўзгарганлиги муносабати билан бухгалтерия ҳисобида акс эттирилган чиқимларга харажатлар сифатида қаралмайди, бундан ҳақиқатда тўланган харажатлар мустасно”. Мазкур талаб сотиб олинган мулклар курслар фарқини ўз ичига олмаслигини назарда тутади.