Ўзбекистон республикасининг қонуни

52-модда. Ишламайдиган пенсионерларга пенсиялар тўлаш
(ЎзР 09.09.2010 й. ЎРҚ-254-сон Қонуни таҳриридаги модда матни)
(Олдинги таҳририга қаранг)

Ишламайдиган пенсионерларга пенсияларни улар истиқомат қилиб турган жойдаги Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси бўлимлари тўлайди.

Қаранг: ВМ 2011 йил 8 сентябрдаги 252-сон Қарори билан тасдиқланган "Давлат пенсияларини тайинлаш ва тўлаш тартиби тўғрисида"ги Низомнинг 157, 158-бандлари; АВ томонидан 2018 йил 14 мартда 2980-сон билан рўйхатга олинган, МВ ва МБ Қарори билан тасдиқланган "Ўзбекистон Республикаси Акциядорлик тижорат Халқ банки бўлинмалари орқали ишламайдиган пенсионерларга пенсиялар, нафақалар ва бошқа тўловларни тўлашни ташкил этиш тўғрисида"ги Йўриқнома
53-модда. Ишлаб турган пенсионерларга пенсияларни тўлаш

Ишлаб турган пенсионерларга пенсиялар уларнинг иш жойида, қонун ҳужжатларида белгиланган тартибда тўланади. (ЎзР 22.12.1995 й. 179-I-сон Қонуни таҳриридаги модда)

Қаранг: Президент 2018 йил 12 декабрдаги "Фуқароларнинг пенсия таъминоти тизими самарадорлигини ошириш ва пенсионерларни ижтимоий қўллаб-қувватлашни кучайтиришга оид қўшимча чра-тадбирлар тўғрисида"ги ПФ-5597-сон Фармонининг 1-банди; ВМ 2011 йил 8 сентябрдаги 252-сон Қарори билан тасдиқланган "Давлат пенсияларини тайинлаш ва тўлаш тартиби тўғрисида"ги Низомнинг 159-банди
53-1-модда. Озодликдан маҳрум этилган
шахсларга пенсиялар тўлаш
(ЎзР 28.08.2019 й. ЎРҚ-558-сон Қонунига мувофиқ киритилган модда)

Манзил-колонияларда жазони ўтаётган, озодликдан маҳрум этишга ҳукм қилинган шахсларга пенсиялар тўлаш манзил-колония жойлашган ердаги Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасининг туман (шаҳар) бўлимлари томонидан тегишли пенсиялар суммаларини маҳкумларнинг шахсий ҳисобварақларига ўтказиш орқали амалга оширилади.

54-модда. Меҳнат қобилияти тикланганда