Ўзбекистон республикасининг қонуни

67-модда. Хизмат текшируви давомида давлат фуқаролик хизматчисини хизмат вазифаларидан четлаштириш
Хизмат текшируви давомида давлат органи ва ташкилоти раҳбари томонидан зарур бўлган ҳолларда давлат фуқаролик хизматчисини иш ҳаққи сақлаб қолинган ҳолда, хизмат вазифаларини ижро этишдан четлатиш тўғрисида қарор қабул қилиниши мумкин.
Хизмат вазифаларини ижро этишдан четлатиш давомийлиги, ушбу Қонуннинг 67-моддасида белгиланган хизмат текшируви вақтидан ошмаслиги лозим.
Агар хизмат текшируви давлат фуқаролик хизматчисининг содир этилган интизомий қилмишда айбдорлигини тасдиқламаса хизмат вазифаларини ижро этишдан четлатиш тўғрисидаги қарор бекор қилинади.
 
68-модда. Давлат фуқаролик хизматчиси томонидан етказилган зарарни қоплаш
Давлат фуқаролик хизматчиларининг ноқонуний қарори ва ҳаракатлари учун жисмоний ва юридик шахслар олдида давлат жавобгардир.
Давлат фуқаролик хизматчисининг давлат хизматини бажариш муносабати билан шу жумладан, стажировка ўташ ва синов муддати даврида ноқонуний ҳаракат (ҳаракатсизлик) ва қарорлари оқибатида фуқаро ёки юридик шахсларга етказилган зарар давлат томонидан тўла ҳажмда Ўзбекистон Республикаси Давлат бюджети маблағлари ҳисобидан қопланиши лозим.
Давлат фуқаролик хизматчисининг ҳаракат ёки ҳаракатсизлиги оқибатида етказилган зарар регресс талаби тартибида агар қонун ҳужжатларида бошқача тартиб назарда тутилган бўлмаса, шу шахсга қопланган зарар миқдорида ундирилиши мумкин.
Давлат фуқаролик хизматчиси давлат органи ва ташкилотига етказилган тўғридан-тўғри ҳақиқий зарарни Ўзбекистон Республикаси Меҳнат кодексида белгиланган ҳолатлар ва миқдорларда қоплаб бериши лозим.
Агар давлат фуқаролик хизматчиси давлат органи ва ташкилотига, жисмоний ва юридик шахсларга етказилган зарар, енгиб бўлмас куч оқибатида ёки охирги зарурат, зарурий мудофаа ҳамда давлат органи ва ташкилоти томонидан давлат фуқаролик хизматчисига берилган мол-мулкни сақлаш учун керакли шароитларни таъминлаш бўйича мажбуриятлар бажарилмаган тақдирда давлат фуқаролик хизматчиси жавобгарлиги бекор қилинади.