Ўзбекистон республикасининг конститутсийавий суди тўҒрисида

6-боб. Конституциявий суд ишларини юритиш иштирокчилари, уларнинг ҳуқуқ ва мажбуриятлари
40-модда. Конституциявий суд ишларини юритиш иштирокчилари
Тарафлар, гувоҳлар, експертлар, мутахассислар ва таржимонлар конституциявий суд ишларини юритиш иштирокчиларидир.
Суд мажлисида Ўзбекистон Республикаси Президенти, Қонунчилик палатаси Спикери, Сенат Раиси, Ўзбекистон Республикаси Бош вазири, Ўзбекистон Республикаси Олий Мажлисининг Инсон ҳуқуқлари бўйича вакили (омбудсман), Ўзбекистон Республикаси Олий Мажлисининг Инсон ҳуқуқлари бўйича вакили (омбудсман) ўринбосари — Бола ҳуқуқлари бўйича вакил, Инсон ҳуқуқлари бўйича Ўзбекистон Республикаси Миллий маркази директори, Қорақалпоғистон Республикаси Жўқорғи Кенгеси Раиси, Ўзбекистон Республикаси Судялар олий кенгаши раиси, Ўзбекистон Республикаси Олий суди раиси, Бош прокурори, адлия вазири, Ҳисоб палатаси раиси ва Ўзбекистон Республикаси Президенти ҳузуридаги Тадбиркорлик субектларининг ҳуқуқлари ва қонуний манфаатларини ҳимоя қилиш бўйича вакил иштирок етиши мумкин. Улар кўриб чиқилаётган барча масалалар юзасидан ўз нуқтаи назарини баён етишга ҳақли.
41-модда. Тарафлар ва уларнинг вакиллари
Қуйидагилар конституциявий суд ишларини юритишда тарафлардир:
Конституциявий судга мурожаат етган давлат органи ёки мансабдор шахс, фуқаролар ва юридик шахслар;
Конституцияга мувофиқлиги аниқланиши ёки шарҳ берилиши лозим бўлган тегишли ҳужжатни қабул қилган давлат органи ёки мансабдор шахс;
Ўзбекистон Республикасининг давлатлараро шартномавий ёки бошқа мажбуриятида кўрсатилган масалаларни ҳал қилиш ўз ваколатига киритилган давлат органи.
Тарафлар Конституциявий судда шахсан ва (ёки) вакиллари орқали иштирок етишга ҳақли. Тараф бир ёки бир нечта вакилга ега бўлишга ҳақли.
Ушбу модданинг биринчи қисмида кўрсатилган давлат органлари ва юридик шахсларнинг раҳбарлари Конституциявий судда лавозими бўйича тарафларнинг вакили бўлиши мумкин. Лавозими бўйича тарафларнинг вакиллари тарафларнинг манфаатларини ишончномасиз ифода етади.
Иш бўйича тарафнинг вакили сифатида адвокат ҳам иштирок етиши мумкин.