Ўзбекистон республикасининг бюджет кодекси ўзбекистон Республикасининг

36-модда. Давлат мақсадли жамғармалари

Давлат мақсадли жамғармалари қуйидагилардир:

Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси;


Қаранг: БюКнинг 37-моддаси

Ўзбекистон Республикаси Молия вазирлиги ҳузуридаги Республика йўл жамғармаси;

Қаранг: БюКнинг 38-моддаси

Давлат мулкини хусусийлаштиришдан тушган маблағлар жамғармаси;

Қаранг: БюКнинг 39-моддаси

Ўзбекистон Республикасининг Бандликка кўмаклашиш давлат жамғармаси;

Қаранг: БюКнинг 40-моддаси

Ўзбекистон Республикаси Молия вазирлиги ҳузуридаги бюджетдан ташқари Умумтаълим мактаблари, касб-ҳунар коллежлари, академик лицейлар ва тиббиёт муассасаларини реконструкция қилиш, мукаммал таъмирлаш ва жиҳозлаш жамғармаси;

Қаранг: БюКнинг 41-моддаси

Ўзбекистон Республикаси Молия вазирлиги ҳузуридаги Суғориладиган ерларнинг мелиоратив ҳолатини яхшилаш жамғармаси;

Қаранг: БюКнинг 42-моддаси

Ўзбекистон Республикаси Молия вазирлиги ҳузуридаги Олий ўқув юртларининг моддий-техника базасини ривожлантириш жамғармаси.

Қаранг: БюКнинг 43-моддаси
37-модда. Ўзбекистон Республикаси Молия вазирлиги
ҳузуридаги бюджетдан ташқари Пенсия жамғармаси

Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси фуқароларнинг давлат пенсия таъминоти, ижтимоий нафақалар тўлаш, компенсация тўловлари ва бошқа тўловлар бўйича харажатларни молиялаштиришга йўналтириладиган мажбурий тўловлар, бадаллар, шунингдек бошқа манбалардан тушадиган маблағларни жамлайди.

Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасининг юқори бошқарув органи Жамғарманинг Кузатув кенгашидир.


Қаранг: ВМ 2010 йил 19 февралдаги 30-сон Қарори билан тасдиқланган "Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси тўғрисида"ги Низом 25-бандининг биринчи хатбоши