Ўзбекистон республикасида таълим

Ўқув-тарбия жараёнини режалаштириш ва лойиҳалаштиришда 
инновациялардан фойдаланиш 
 
Г.О.
Очилова, ТДИУ 
Л.А.
Турдиқулова, Тошкент солиқ коллежи 
 
Ҳар бир жамиятнинг келажаги унинг ажралмас қисми ва ҳаётий зарурати 
бўлган таълим тизимининг қай даражада ривожланганлиги билан белгиланади. 
Бугунги кунда мустақил тараққиёт йўлидан бораётган мамлакатимизнинг 
узлуксиз таълим тизимини ислоҳ қилиш ва такомиллаштириш, янги сифат 
босқичига кўтариш, унга илғор педагогик ва ахборот технологияларини жорий 
қилиш ҳамда таълим самарадорлигини ошириш давлат сиёсати даражасига 
кўтарилди. Келажак тараққиёти бугунги ёш авлоднинг ақлий тафаккури, билим 
тажрибаси ва касбий тайёргарлигига боғлиқдир. Ёшларни ҳаётда ўз ўринларини 
топиши, ўз салоҳиятларини эркин намоён эта олишлари ва уларни иш билан 
таъминлаш доимо давлатимизнинг диққат эътиборида бўлиб келмоқда. Ўрта 
махсус, касб-ҳунар таълимининг асосий вазифаси меҳнат бозорининг узлуксиз 
равишда ўсиб бораётган эҳтиёжларига мувофиқ, шунингдек, кичик 
мутахассиснинг аниқ касбий малака даражасига юқори талаблар қўювчи бозор 
иқтисодиётига ўтилишини ҳисобга олиб, юқори малакали ва рақобатбардош 
кичик мутахассисларни тайёрлашдан иборат. Билим олиш, махсус малакага эга 
бўлиш, талабаларни дунё қарашини шакллантиришда аудиторияда 
ўтиладиган дарслардан ташқари талабалар томонидан бажариладиган 
мустақил ишлар катта роль ўйнайди. Айниқса ҳозирги ахборот асрида борган 
сари, бир томондан ахборот миқдори, янгиликлар ортиб борса, иккинчи 
томондан, ахборот олиш манбалари ранг-баранглашиб боради. Уларнинг 
аҳамияти янада ортиб боради. Чунки эндиликда таълим беришнинг анъанавий 
усуллари орқали ўқувчи-талабаларни мустақил фикрлашга, фаолликка ўргатиб 
бўлмайди. Ҳозирги кунда таълим жараёнида интерфаол услублар (инновацион 
педагогик 
ва 
ахборот 
технологиялар)дан 
фойдаланиб, 
таълимнинг 
самарадорлигини кўтаришга бўлган қизиқиш, эътибор кундан-кунга кучайиб 
бормоқда. Замонавий технологиялар қўлланилган машғулотлар талабалар 

---

205 
эгаллаётган билимларни ўзлари қидириб топишларига, мустақил ўрганиб, 
таҳлил қилишларига, ҳатто хулосаларни ҳам ўзлари келтириб чиқаришларига 
қаратилган. Ўқитувчи бу жараёнда шахс ва жамоанинг ривожланиши, 
шаклланиши, билим олиши ва тарбияланишига шароит яратади, шу билан 
бирга, бошқарувчилик, йўналтирувчилик вазифасини бажаради. Бундай ўқув 
жараёнида талаба субъектга айланади. 
Педагог олимларнинг йиллар давомида таълим тизимида: Нимага