Ўзбекистон республикасида таълим

илова ва сўровномалар каби таълим бериш имкониятларини оширувчи 
воситалар ўрганилади ва тизимлаштирилади. Электрон дарслик бу нашр 
этилган китобнинг PDF версиясидан ҳажм жиҳатидан бир мунча катта ҳамда 
қидирув ва луғат каби функциялар қўшилиб яхшиланган кўриниши. Лекин 
замонавий электрон дарслик рақамли-биринчи ёки рақамли-ягона кўринишда 
лойиҳаланган бўлиб, ўз ичига мультимедиа материаллари (муаллифлик 
иловалари ва видео иловалар), интерактивлик (масалан, автоматик тарзда 
викториналарни баҳолаш ёки симуляторларни қўлда бошқариш) ва энг 
биринчи навбатда тармоқ имкониятлари (таълим олувчилар ва педагоглар учун 
хабарлар канали, ижтимоий медиа платформ орқали маълумот алмашуви) ни 
қамраб олади.
 
Дастурий иловалар (дастурий таъминот). Дастурий иловалар бу оддий 
иловалардан тортиб то мультимедиали интерактив электрон дарсликларгача 
бўлган дастурий иловаларни қамраб олади. Дастурий иловалар Интернетдан 
юклаб олинган дастурий таъминотнинг бир қисми бўлиб, мобил операцион 
тизимларда ишлаш учун мўлжалланган. Дастурий иловалар оддий ўйин 
форматида ёки бирор бир предметни ўқитиш учун мўлжалланган. Масалан, 
математика, химия ва тилларни ўргатувчи иловалар ҳам бўлиши мумкин. 
 
Сўровномалар. Педагоглар ноформал кўринишдаги сўровномаларни 
гуруҳларда олдиндан ўтказиб келишади. Фақатгина бу сўровномаларга таълим 
олувчилар қўл кўтариб жавобни беришади. Сўровномаларни рақамли 
ускуналар ёрдамида ўтказиш бу жараённи самарадорлигини оширади. Веб-сайт, 
дастурий иловалар ёки ижтимоий тармоқлар ёрдамида таълим олувчилар 
ўртасида сўровномалар ўтказиш мумкин. Ўқитувчи ушбу сўровномалар 
ёрдамида таълим олувчилар ёки тингловчиларнинг қизиқишларини 
аниқлашлари ва шу асосда таълим йўналишлари ва методларини 
ўзгартиришлари мумкин. 
 
Мультимедиани ёзиш. Смарт қурилмалар реал муҳитни англаш ёки 
таълим жараёнида қўллаш учун мультимедиаларни яратиш ёки ёзиш учун 
қўлланилади. Матнли изоҳлар, олинган тасвирлар, аудиоёзувлар ва 
видеоёзувлар таълим олувчилар учун таълим олиш бошқача қилиб айтганда, 
ўтилаётган мавзуни ўзлаштириш имкониятини беради. Таълим олувчилар 
бирор бир дарс жараёнини смарт қурилма орқали тасвирга олиб, уларни 
ижтимоий медиа тармоқлар (Instagram ёки Twitter, Foursquare ёки Yelp) 
ёрдамида бошқа танишларига жўнатишлари, улар ҳам ушбу дарсни кўриб 
чиқишлари ва ушбу мавзу бўйича ўқитувчи ва бошқа аъзолар билан турли хил 
мунозаралар ўтказиши мумкин.