Ўзбекистон республикасида таълим

Кейс топшириғи. Бичув цехида бажариладиган ишлар кетма-кетлигини 
аниқланг. 
Ўқитувчининг ечими. Бичув цехида бажариладиган ишлар кетма-
кетлиги. 1.Газлама тўшаш. 2. Тўшама сифатини текшириш. 3. Тўшамани катта 
бўлакларга қирқиш. 4. Катта бўлакларни деталларга тоза қирқиш. 5. Бичиқ 

---

152 
сифатини текшириш ва деталларини рақамлаш. 6. Бичиқларни тамғалаш. 7. Йўл 
варақасини тўлдириш 
Шунингдек, ўқув кейсларини ишлаб чиқариш муаммоларини ечишга 
қаратилган масалалар асосида ҳам тузиш мумкин. Масалан:
Кейс баёни. Тикув цехига тикиш учун берилган бичиқлар орасидан 
кийимнинг олд бўлаги битта қирқимида газлама милкидаги тешиклар кўриниб 
қолган. Бу маҳсулот сифатига салбий таъсир кўрсатади. 
Кейс топшириғи. Ушбу муаммо қандай сабабларга кўра пайдо 
бўлганини аниқланг. 
Ўқитувчининг ечими. 1- сабаб. Газламани тўшаш жараёнида газлама 
милкининг бир томонга текис қўйилмагани. 2- сабаб. Тажриба цехига газлама
эни бўйича тўшама трафаретига буюртма беришда газлама милки нотўғри 
кўрсатилгани. 3-сабаб. Тўшамани бўлакларга қирқиш даврида ўша тўшаманинг 
силжиб кетиши. 4-сабаб. Газлама тўшовчиларнинг газлама тўпларини танлаш 
вақтида газлама энининг бир хил бўлишига эътибор қаратмаганлари ва 
хоказолар. 
Ишлаб чиқариш амалиёти модуль дастуридаги мавзуларни ўрганиб, ўз 
билимини баҳолаш учун юқоридаги каби кейсларни бажарган талабада 
мустақил ишлаш, фикрлаш, қарор қабул қилиш, изланиш, вазиятни таҳлил 
қилиш, билмаганларини сўраш ва ўз мулоҳазалари билан таққослаш ҳамда ўз- 
ўзини баҳолаш натижасида ўз фаолиятига танқидий муносабатда бўлиш 
кўникмалари шаклланади. Шунингдек, ишлаб чиқариш амалиётида бундай 
инновацион ёндашув амалиётчининг танлаган касбига қизиқиш, муҳаббат 
уйғотибгина қолмай, унинг касбий тайёргарлиги, ишлаб чиқариш муҳитига 
мослашиши, технологик жараёнлардаги муаммоларни ўз вақтида амалий 
ечиши, ўзининг мутахассис сифатида шаклланганлик даражасини аниқлашга,
баҳолашга имкон яратади.
Хулоса шуки, касбий таълимда инновацион технология ва методлардан 
фойдаланиш унинг узлуксизлиги ва узвийлигини таъминлашга хизмат қилади.