Ўзбекистон Республикасида коррупцияга қарши курашиш ислоҳотлари

“Оpenbudget” – “Очиқ бюджет” портали ишга туширилди.
Давлат хизматларини тақдим этиш ва маъмурий тартиб - таомилларни тартибга солишнинг ҳуқуқий ва институционал асослари такомиллаштирилди. Барча ҳудудларда давлат хизматлари марказлари ташкил қилинди.
Марказлар томонидан 2018 йилда 37 турдаги давлат хизматлари кўрсатилиши бошланган бўлса, 2019 йилда уларнинг сони 130 га етган (қарийб 3 бараварга ошган).
2021 йилдан марказлар орқали 157 турдаги шаффоф, қулай ва тезкор давлат хизматлари кўрсатилмоқда. Марказлар орқали 49 та давлат хизмати бепул кўрсатилмоқда.
Лицензиялаш ва рухсат бериш тизимини янада либераллаштириш ҳамда институционал жиҳатдан тубдан ислоҳ қилиш ишлари амалга оширилди.
Унга кўра, 2021 йилдан бошлаб, лицензияланадиган фаолият ва рухсат этиш хусусиятига эга ҳужжатларнинг 26 таси тўлиқ, 45 таси бирлаштириш йўли ва 23 таси хабардор қилиш тартиби жорий этилиши йўли билан бекор қилинди.
11

2017 - 2021 йилларда амалга оширилган ишлар:

Ҳуқуқни муҳофаза қилувчи органларнинг коррупцияга қарши курашиш соҳасидаги мақсад ва вазифалари аниқлаштирилди. “Ички ишлар органлари тўғрисида”ги, “Давлат хавфсизлик хизмати тўғрисида”ги қонунлар қабул қилинди.
Судьялар олий кенгаши ташкил этилди ва судьяларни танлаш, тайинлаш тизими такомиллаштирилди.
Судьялар олий кенгаши таркибида судьялар дахлсизлигини таъминлаш ва коррупциянинг олдини олиш бўйича суд инспекцияси тузилди. “Ибратли судья” мукофоти жорий этилди.
Суд ҳокимияти мустақиллигини янада кучайтириш, судьялар дахлсизлигини таъминлаш ҳамда тизимда коррупциянинг олдини олиш мақсадида “Судлар тўғрисида”ги қонун янгидан қабул қилинди.
Ўзбекистон Республикаси Президентининг Халқ қабулхоналари, Бош вазирнинг Тадбиркорлар мурожаатларини кўриб чиқиш қабулхоналари фаолияти йўлга қўйилди.
Барча давлат органлари ва ташкилотларида “ишонч телефон”лари ташкил қилинди.
Ўзбекистон Республикаси Олий Мажлиси палаталарида коррупцияга қарши курашиш ва суд - ҳуқуқ масалалари бўйича қўмиталар ташкил этилди.