Ўзбекистон республикасида ёшларга оид давлат сиёсатини тубдан ислоҳ қилиш ва янги босқичга олиб чиқиш чора-тадбирлари тўғрисида

Тадбиркорлик учун махсус курсларида қаерда ўқиш мумкин?

• 
  Савдо-саноат палатаси, “Ёшлар – келажагимиз” жамғармаси, Ўзбекистон ёшлар тадбиркорлигини қўллаб-қувватлаш маркази, Ёш фермерлар кенгаши томонидан алоҳида ташкил этиладиган 48 соатлик (ҳафталик) ўқув дастури асосида тадбиркорликка бепул ўқитилади.
  

• 
  Нодавлат таълим муассасалари томонидан ташкил этиладиган тадбиркорлик ўқув курсларида. Ўқув курсларини муваффақиятли тамомлаган битирувчиларга махсус сертификат берилади.
  

“Ёшлар дафтари” жамғармасидан ёшларга қандай молиявий кўмак берилади?

• 
  Моддий аҳволи қийин ёшларга бир марталик 980 минг сўмгача моддий ёрдам кўрсатилади;
  
• 
  Мамлакатимиздаги олий таълим муассасаларида таълим олаётган “Темир дафтар”га киритилган оилалар;
  
• 
  Фарзандларининг тўлов-контракт суммасининг 50 фоизигача, аммо 12 миллион 250 минг сўмдан ошмаган миқдорда тўлаб берилади;
  
• 
  Aҳволи оғир бўлган бемор ёшларнинг мамлакатда ёки хорижий давлатларда даволаниш билан боғлиқ харажатлари 12 миллион 250 минг сўмгача қоплаб берилади;
  
• 
  Уруғлик ва кўчатлар сотиб олиш учун 1 миллион 960 минг сўмгача субсидия ажратилади;
  
• 
  Ёшларга, жумладан, ёш оилаларга турар жой ижараси компенсацияси тўлаб берилади;
  
• 
  Тадбиркорлик фаолиятини бошлаш ва ўзини-ўзи банд қилишга зарур бўлган асбоб-ускуналар ва меҳнат қуролларини харид қилиш учун 9 миллион 800 минг сўмгача субсидия ажратилади;
  
• 
  тадбиркорлик фаолияти ҳамда ўзини-ўзи банд қилиш мақсадида нотурар жойнинг 12 ойгача ижара харажатлари кўпи билан бир йил учун 6 миллион 125 минг сўмгача қоплаб берилади;
  
• 
  Ёшларни тадбиркорликка ва касб-ҳунарга ўқитиш бўйича нодавлат таълим ташкилотларига сарфланган харажатларининг 75 фоизигача қисми тадбиркорликка ўқитиш харажатлари – 980 минг сўмгача қоплаб берилади.
  
• 
  касб-ҳунарга ўқитиш харажатларининг бир ойгача 980 минг сўмгача, бир ойдан икки ойгача 1 миллион 960 минг сўмгача, икки ойдан ортиқ муддатга –
  2 миллион 940 минг сўмгача тўлаб берилади.
  
• 
  Психологик маслаҳатга муҳтож ёшларга пуллик психологик хизмат кўрсатилиши билан боғлиқ харажатлари қоплаб берилади.
  
• 
  Ёшларнинг истеъдодларини қўллаб-қувватлаш, беш муҳим ташаббусни рўёбга чиқариш доирасидаги тадбирлар молиялаштирилади.
  

“Ёшлар дафтари” жамғармасидан молиявий кўмак олиш учун кимга мурожаат қилиш керак?

• 
  Яшаш манзили бўйича сектор раҳбари ёки Ёшлар ишлари агентлигининг туман (шаҳар) бўлимига. Секторлар раҳбари томонидан ўрганилган мурожаат натижаларига кўра “Ёшлар дафтари” жамғармасининг Васийлик Кенгаши қарорига асосан молиявий хизматлар кўрсатилади.