Ўзбекистон Республикаси Вазирлар Маҳкамаси ҳузуридаги таълим сифатини назорат қилиш давлат инспекцияси

II БОБ. PISA ТАДҚИҚОТИНИ ЎТКАЗИШ 
2.1.
 
PISA тадқиқотини ўтказиш 
Қуйида компьютерда тест топшириш, шунингдек, турли хилдаги 
сўровномаларни ўтказиш баён этилади.
2.1.1. Компьютерда тест топшириш 
Компьютерда тест топшириш учун 2020 йилда назорат-синов 
материалларини апробациядан ўтказиш жараёнида 15 ёшлилар таълим 
оладиган камида 28 таълим муассасасидан камида 71-72 нафар ўқувчилар 
танлаб олинади. Агар таълим муассасасида 71-72 нафар ёки ундан кам 
ўқувчи бўлса, тадқиқот қоидаларига кўра, уларнинг барчаси тестда 
қатнашадилар. 
2021 йилдаги асосий тадқиқотлар жараёнида камида 150 та 
мактабларнинг ҳар бирида 15 ёшли ўқувчилар орасидан камида 42 нафардан 
ўқувчилар, жами камида 6300 нафар ўқувчилар танлаб олинади.
Ўқувчилар математика, ўқиш (матнни тушуниш даражаси), табиий 
фанлар йўналишлар бўйича 120 дақиқа давомида компьютерда тест 
топширадилар.
Ўқувчиларда сўровномалар ўтказиш 
Ўқувчиларда сўровномалар ўтказиш уларнинг таълим олишга 
муносабати ва ҳаётий тажрибаларини аниқлаш имконини беради. Тест 
топширишга танлаб олинган ўқувчилардан сўровномалар тест топшириб 
бўлганларидан кейин 15 дақиқалик танаффусдан сўнг олинади. Сўровнома 
ўтказишга 35 дақиқа вақт ажратилади.
Таълим муассасаси маъмуриятида сўровномалар ўтказиш 
Таълим муассасаси (ТМ) маъмуриятида сўровномалар ўтказиш 
натижасида тўпланган маълумотлар тадқиқотда қатнашаётган мамлакатлар 
таълим тизимидаги фарқларни белгилаб берувчи омилларни аниқлаш 
имконини беради. Сўровномани тўлдириш юзасидан йўл-йўриқлар таълим 
муассасаси Координаторига мўлжалланган ахборот материалларида 
келтирилади.
2.2. Таълим муассасасида тадқиқотга тайёргарлик кўриш ва уни 
ўтказишга масъул бўлган таълим муассасаси Координаторининг роли 
Мазкур параграфда тест ўтказишда фойдаланиладиган барча асосий 
ҳужжатлар келтирилган.