Ўзбекистон Республикаси Вазирлар Маҳкамаси ҳузуридаги таълим сифатини назорат қилиш давлат инспекцияси

Таълим органлари: 
PISA халқаро баҳолаш дастурини амалга ошириш 
иштирокчи давлатлар ва таълим вазирликлари кўмагисиз ва уларнинг қўллаб-
қувватлашисиз амалга оширишнинг имкони йўқ. 
PISA фанлар бўйича эксперт гуруҳлари:
PISA мавзуга оид масалалар 
бўйича эксперт гуруҳларига эга бўлиб, улар синовларнинг учта асосий 
йўналишлари - ўқиш, математика ва табиий фанлар саводхонлиги, 
шунингдек, зарур бўлган ҳолларда бошқа фан масалалари бўйича 
ваколатларга эга. Ушбу гуруҳлар ҳар бир соҳада нуфузга эга экспертлардан 
иборат. Улар ҳар бир PISA тест-сўровининг назарий асосларини яратадилар. 
PISA сўровномаси бўйича экспертлар гуруҳи:
Тест-сўрови бўйича 
экспертлар гуруҳи PISA контекстига оид сўровномалар қурилишида 
етакчилик қилишда ва йўл-йўриқлар яратишда амалий ёрдам беради. Тест-
сўрови бўйича мутахассислар гуруҳининг аъзолари PISA бошқарув кенгаши 
томонидан танланади. 
PISA тадқиқотларини амалга ошириш учун ким ҳақ тўлайди? 
PISA унда иштирок этаётган давлатларнинг бадаллари ҳисобидан 
молиялаштирилади.
1.3. Тадқиқотни ўтказиш жараёни 
Нима учун ҳамма ўқувчилар бир хил тест саволларига жавоб 
бермайдилар? 
PISA тадқиқотларида қўлланиладиган тест саволлари одатда мамлакат 
таълим тизими самарадорлигини бахолаш учун ишлаб чиқилади. Тадқиқот 
саволлари ўқувчиларни индивидуал баҳолаш учун мўлжалланмаган. Шу 
сабабли ҳар бир ўқувчига бир хил намунадаги саволлар тўплами 
тарқатилиши талаб этилмайди.
Шундай қилиб, PISA тест материаллари тўплами тестда қатнашган 
ўқувчилар орасида тасодифий танлов тарзида тақсимланади.
 
PISA - 2015 тадқиқоти компьютер тизимидан фойдаланган ҳолда 
ўтказилди. Бунинг ўзига хос аҳамияти нимада? 
Компьютер ва компьютер технологиялари кундалик хаётимизнинг бир 
қисмига айланиб улгурган. PISA халқаро баҳолаш дастурини компьютерда 
ўтказиш анъанаси ҳам ижобий маънода яхши йўлга қўйилган.
2015 йилда PISA халқаро баҳолаш дастурида қатнашиш истагини 
билдирган кўплаб давлатларда илк марта компьютер ёрдамида тест 
жараёнлари ўтказилган. Фақатгина компьютерда ўтказишга тайёр бўлмаган 
айрим давлатлардагина тест синовлари қоғоз кўринишида ўтказилган.