Ўзбекистон Республикаси Вазирлар Маҳкамаси ҳузуридаги Олий аттестация комиссияси Бюллетени 2

198
2018/4
ДИССЕРТАЦИЯЛАР АСОСИЙ ИЛМИЙ НАТИЖАЛАРИ ЭЪЛОН ҚИЛИНИШИ ЛОЗИМ 
БЎЛГАН РЕСПУБЛИКА ВА ХОРИЖИЙ МАМЛАКАТЛАРНИНГ НУФУЗЛИ ИХТИСОСЛАШГАН 
ИЛМИЙ ЖУРНАЛЛАРИНИ ОАК РЎЙХАТИГА КИРИТИШ УЧУН ҚЎЙИЛАДИГАН 
ТАЛАБЛАР
Республика журналлари учун талаблар:
1. Нашрнинг белгиланган тартибда рўйхатдан ўтказилган бўлиши.
2. Нашрнинг тегишли фан тармоғи йўналишида ихтисослашган бўлиши.
3. Тегишли ҳолларда илмий мақолаларни чоп этиш бўйича илмий рукуннинг 
мавжудлиги.
4. ISSN (серияли нашрнинг халқаро стандарт рақами) рўйхатга олиш рақамининг 
мавжудлиги.
5. Журналнинг расмий веб-сайти ёки веб-саҳифасининг мавжудлиги.
6. Чоп этиладиган материалларни тақриздан ўтказишнинг мажбурийлиги (зарур 
ҳолларда Ўзбекистон Республикаси ОАК сўрови асосида тегишли тақризни тақдим 
этишнинг мажбурийлиги).
7. Таҳририят аъзолари таркибида тегишли фан тармоғи бўйича камида 3 нафар фан 
доктори илмий даражасига эга мутахассиснинг мавжудлиги.
8. Чоп этиладиган илмий мақола қуйидаги талабларга жавоб бериши керак:
- ўзбек, инглиз ва рус тилларида қисқача аннотациянинг мавжудлиги; таянч сўз ва 
ибораларнинг берилганлиги;
- фойдаланилган асосий адабиётлар рўйхатининг келтирилиши ва илмий мақоланинг 
камида 0,25 б.т. ҳажмда бўлиши;
- муаммонинг қўйилиши; материалнинг назарий-методологик ва услубий жиҳатдан 
пухталиги; манбаларнинг ишончлилиги; муаммо, хулоса, таклиф ва тавсияларнинг 
асослилиги.
Хорижий журналлар учун талаблар:
1. Нашрнинг тегишли фан тармоғи йўналишида ихтисослашган бўлиши.
2. ISSN рўйхатга олиш рақамининг мавжудлиги.
3. Журналнинг расмий веб-сайти ёки веб-саҳифасининг мавжудлиги.
4. Чоп этиладиган материалларни тақриздан ўтказилиши.
5. Нашр таҳририят аъзолари таркибида тегишли фан тармоғи бўйича 
мутахассисларнинг мавжудлиги.
6. Чоп этиладиган илмий мақолада муаммонинг қўйилиши; материалнинг назарий-
методологик ва услубий жиҳатдан пухталиги; манбаларнинг ишончлилиги; муаммо, хулоса, 
таклиф ва тавсияларнинг асослилиги бўлиши керак.
Изоҳ: 
Импакт-факторга эга журналларда чоп этилган илмий мақолалар, рўйхатдаги 
журналларда чоп этилган мақолалар сифатида қабул қилинади.
Илмий нашрлар Рўйхатга олий таълим ва илмий-тадқиқот муассасалари кенгашлари 
ҳамда ташкилотларнинг тавсиялари асосида киритилади.

---

Ўзбекистон Республикаси Вазирлар Маҳкамаси ҳузуридаги Олий аттестация комиссияси Бюллетени