Ўзбекистон Республикаси Қуролли Кучлари

I. УМУМИЙ ҚОИДАЛАР
1.1. Мазкур жамоа шартномаси (кейинги ўринларда «Шартнома») Ўзбекистон Республикаси Қуролли Кучлари Кичик мутахассисларни тайёрлаш марказида (кейинги ўринларда «Марказ» дебномланади) иш берувчи билан ходимлар ўртасидаги меҳнатга оид, ижтимоий-иқтисодий ва касбга оид муносабатларни тартибга солувчи норматив ҳужжат ҳисобланади.
Қуйидагилар мазкур Шартноманинг тарафлари деб ҳисобланади:
иш берувчи - Марказ бошлиғи А.Джаббаров тимсолида;
ходимлар - Марказ касаба уюшмаси қўмитаси раиси А.Исмоилов тимсолида.
1.2. Шартнома имзоланган кундан кучга киради ва янги Жамоа шартномаси 2023 йил 31-декабрь кунигача амал қилади. Белгиланган муддат тугагач, Шартнома тарафлар янги Шартнома тузгунча ёки амалдаги Шартномани ўзгартиргунча, тўлдиргунча амалда бўлади.
1.3. Мазкур Шартнома Иш берувчига ва Марказнинг барча ходимларига, шу жумладан, жамоа шартномаси кучга кирганидан кейин ишга қабул қилинган шахсларга ҳамда ўриндош ходимларга ҳам татбиқ этилади.
Мазкур Шартномада назарда тутилган ҳолларда унинг айрим қоидалари қуйидагиларга нисбатан ҳам татбиқ этилади:

• 
  ходимнинг оила аъзоларига;
  
• 
  пенсияга чиқиши муносабати билан меҳнат муносабатлари бекор қилинган шахсларга;
  
• 
  Касаба уюшмаси қўмитасининг штатдаги ходимларига;
  
• 
  мазкур Марказда меҳнат вазифаларини бажариш билан боғлиқ ҳолда жароҳатланиши, касб касалликларига чалиниши ёки саломатлигининг бошқа хил шикастланиши туфайли зарар етган собиқ ходимларга;
  
• 
  меҳнатда майиб бўлиш, касб касаллиги ёки меҳнат вазифаларини бажариш билан боғлиқ ҳолда соғлиғига шикаст етиши сабабли вафот этган ходим қарамоғида бўлган ва зарар тўловини олиш ҳуқуқига эга бўлган меҳнатга қобилиятсиз шахсларга;
  
• 
  фуқаролик-ҳуқуқий тусдаги шартномалар бўйича ишларни бажараётган шахсларга;
  
• 
  касаба уюшмаси аъзоларига (касаба уюшмаси бюджети ҳисобидан бериладиган қўшимча имтиёзлар қисмида).