|
Ўзбекистон Республикаси Қуролли Кучлар сафларида муддатли ҳарбий хизматни ўтаб қайтган фуқароларни иш билан таъминланишини ўрганиш юзасидан
САВОЛНОМА
1. “Аҳоли бандлиги тўғрисида”ги Ўзбекистон Республикаси Қонунининг 38-моддасига мувофиқ аҳолининг ижтимоий эҳтиёжманд тоифалари таркибига кирувчи Ўзбекистон Республикаси Қуролли Кучларининг муддатли ҳарбий хизматдан бўшатилган шахсларни бандлиги таъминлаш борасида амалга оширилган ишлар:
- муддатли ҳарбий хизматдан бўшатилган шахсларни бандлиги таъминлаш мақсадида захирага қўйилган иш ўринларига ишга жойлаштириш учун қонунчиликда белгиланган тартибда маҳаллий меҳнат органлари томонидан 2019-2021 йиллар давомида олиб борилган ишлар;
- муддатли ҳарбий хизматдан бўшатилган шахсларни бандлигини таъминлашда маҳаллий меҳнат органлари томонидан2019-2021 йиллар давомида йўлланма орқали захираланган иш ўринлари учун юборилган шахсларни ишга қабул қилишда иш берувчи томонидан асоссиз равишда рад этиш ҳолатлари (сон ҳамда сабаби) ва рад этиш мунусабати билан уларга қонунчиликда белгиланган тартибда кўрилган таъсир чоралари бўйича амалга оширилган ишлар.
2. “Аҳоли бандлиги тўғрисида”ги Ўзбекистон Республикаси Қонунининг 42-моддасига асосан захираланган иш ўринларга ишга қабул қилишда иштирок этган ташкилотларни рағбатлантириш:
- Ўзбекистон Республикаси Қуролли Кучларининг муддатли ҳарбий хизматдан бўшатилган шахслар (ижтимоий эҳтиёжман тоифага кирувчилар)ни захираланган иш ўринларига қабул қилган ташкилотларга Ўзбекистон Республикаси Бандликка кўмаклашиш давлат жамғармасининг маблағлари ҳисобидан ажратилган субсидиялар миқдори ва ташкилотлар номи.
3. Ўзбекистон Республикаси Вазирлар Маҳкамасининг 2017 йил
2 июндаги “Муддатли ҳарбий хизматни ва сафарбарлик чақируви резервида хизматни ўтаган фуқароларни ишга жойлаштириш бўйича Республика комиссияси ҳамда Қорақалпоғистон Республикаси Вазирлар Кенгаши, вилоятлар, Тошкент шаҳри, туман ва шахарлар хокимликлари ҳузурида тегишли комиссиялар ташкил этиш тўғрисида”ги 339-сон қарори ижроси юзасидан:
- муддатли ҳарбий хизматни ва сафарбарлик чақируви резервида хизматни ўтаган фуқароларни ишга жойлаштириш бўйича вилоят, туман (шаҳар) комиссиясининг таркиби ва ўлар тўғрисида тастиқланган низомлар ва ишчи органи томонидан ҳар чоракда бу борада амалга оширилган ишлар тўғрисида ўтказилган таҳлиллар;
- муддатли ҳарбий хизматни ва сафарбарлик чақируви резервида хизматни ўтаган фуқароларни ишга жойлаштиришда мутахассислиги бўйича бандлигини таъминлаш борасида бажарилган ишлар;
- меҳнат бозори конъюнктурасини ҳисобга олган ҳолда, муддатли ҳарбий хизматни ўтаган фуқароларни касб танлаш, тайёрлаш, қайта тайёрлаш ва малакасини ошириш ҳамда тадбиркорлик фаолияти билан шуғулланиш учун кредит олиши орқали иш билан таъминлаш бўйича амалга оширилган ишлар.
3. Ўзбекистон Республикси Президентининг “Ўзбекистон фуқароларини муддатли ҳарбий хизматга навбатдаги чақируви ҳамда белгиланган хизмат муддатини ўтаб бўлган ҳарбий хизматчиларни Қуролли Кучлар резервига бўшатиш тўғрисида қабул қилинган қарорлари ижросини таъминлаш мақсадида ҳар йили Ўзбекистон Республикаси Вазирлар Маҳкамаси томонидан тасдиқланадиган баёнга белгилаб берилган вазифалар бўйича қилинган ишлар тўғрисида маълумотлар.
4. Ўзбекистон Республикаси Вазирлар Маҳкамасининг 2018 йил 31 декабрдаги “Ўзбекистон Республикаси бандлик ва меҳнат муносабатлари вазирлиги фаолиятини такомиллаштириш чора-тадбирлари тўғрисида”ги 1066-сон қарори ижроси юзасидан.
- янги иш ўринлари ташкил этган иш берувчиларга, шунингдек аҳолининг ижтимоий заиф қатламларига мансуб шахсларни, шунингдек, ҳарбий хизматдан бўшатилган шахсларни ишга жойлаштирувчиларни ижтимоий рағбатлантириш ва уларни Вазирликнинг фахрий нишонлари, ёрлиқлари ва гувоҳномалари билан тақдирлаш борасида қилинган ишлар тўғрисида маълумотлар.
5. Аҳоли бандликка кўмаклашиш маркази орқали иш берувчи томонидан Ўзбекистон Республикаси Қуролли Кучларининг муддатли ҳарбий хизматдан бўшатилган шахсларни ишга қабул қилган ташкилот томонидан ушбу ходимларни қайта тайёрлаш, малакасини ошириш мақсадида Бандликка кўмаклашиш давлат жамғармасининг маблағлари ҳисобидан ажратилган субсидиялар миқдори ва ташкилотлар номи.
Маълумот учун:2021 йил 12 февралдаги 6-2021/7 сон қўшма қарор билан тасдиқланган чора-тадбирлар режасининг 9 бандига асосан иш берувчи ташкилотга ҳар бир ходим учун 6 ой давомида ҳар ой БҲМ 4 баравари миқдорида субсидия ажратилади.
6. Муддатли ҳарбий хизматдан қайтган шахсларнини бандлигини таъминлаш мақсадида тадбиркорлик фаолияти билан шуғулланиш истагини билдирган фуқаролар давлат рўйхатидан ўтказиш ва кредит олиш учун сўғурта харажатларини қоплаш мақсадида ажратилган субсидялар миқдори ва фуқаролар номи.
Маълумот учун: 2021 йил 12 февралдаги 6-2021/7 сон қўшма қарор билан тасдиқланган чора-тадбирлар режасининг 10 бандига асосан ушбу йўналишларда БҲМ 10 баравари миқдорида субсидия ажратилади.
7. Тадбиркорлик фаолияти билан шуғулланиш истагини билдирган Ўзбекистон Республикаси Қуролли Кучларининг муддатли ҳарбий хизматидан қайтган фуқароларга деҳқон ҳўжаликларида ишлаб чиқаришни ривожлантириш, қишлоқ хўжалик махсулотларини қайта ишлаш, қадоқлаш мақсадида мини-ускуна ва хомашёлар харид қилиш учун худудий жамғармасининг маблағлари ҳисобидан ажратилган субсидиялар миқдори ва фуқаролар номи.
8. 2019-2021 йилларда Ўзбекистон Республикаси Қуролли Кучларининг муддатли ҳарбий хизматдан бўшатилиб, қуролли кучлар ва ҳуқуқни мухофаза қилувчи органларга ёки олий таълим муассасаларига ўқишга кириш мқсадида ҳужжат топшириб ишга ва ўқишга киролмаган фуқаролар билан ишлаш ҳолати.
9. Ўзбекистон Республикаси Қуролли Кучлар сафларида муддатли ҳарбий хизмат ва сафарбарлик чақируви резервида хизматни ўтаб қайтган чет давлатларга чиқиб кетган фуқароларни қайтариш ва уларнинг бандлигини таъминлаш борасидаги ишлар
10. Ўзбекистон Республикаси Қуролли Кучлар резервига бўшатилган ҳарбий хизматчиларни бандлигини таъминлаш борасида муаммолар ва норматив-ҳуқуқий ҳужжатларнинг ижроси билан билан боғлиқ амалиётдаги қонунчиликни янада такомиллаштириш мақсадида таклиф ва фикрлар.
Do'stlaringiz bilan baham: |
