Ўзбекистон республикаси қурилиш вазирлиги ўзбекистон республикаси

Плинтусларни янги авлоди. Бинонинг хоналарини таъмирлашнинг охирги босқичи нуқсонларни йўқотиш ва безаш ҳисобланади. Бу жараёнда, плинтуснинг ўрни катта аҳамиятга эга.
Плинтус бу хонадаги девор ва пол чокларини ёки девор ва шип орасидаги чокларни ёпиб турувчи ҳимоя-безак элементдир (7.2. - расм).





7.2. - расм. Девор, пол ва шип чоклар орасини ёпиб турувчи плинтус.

Бу элементнинг асосий функцияси хонага электр симлари, кабел ва шу кабиларни очиқ ҳолатда кўрсатмасдан эстетик кўриниш беришдир.

Плинтуслар ишлатилиши бўйича икки турга бўлинади: пол ва шип учун мўлжалланган.
Плинтуслар олинадиган ашёлар ва ишлатилиш соҳаси бўйича қуйидаги турларга бўлинади:
1.Классик усулда ишлатиладиган 
2.Пластик ашёлардан тайёрланган
3.Тасмасимон кўринишдаги
4.Шип учун мўлжалланган 
5.Ковролин учун мўлжалланган
Классик усулда ишлатиладиган плинтуслар 
Классик усулда ишлатиладиган плинтусларни кўпчилик турар-жой биноларида учратишишимиз мумкин. Улар хона интерьерига ўзига хос кўриниш беради. Плинтусларнинг фактураси, турли рангдаги бўёқлари ва нақшлари ўрта асрлар барокко усулига хосдир. Улар қимматбаҳо сосна ёки клен дарахтларининг сифатли шпонларидан тайёрланади.
Ёғоч плинтуслар интерьернинг асосий элементи ҳисобланади, бироқ улар қуйидаги камчиликларга эга: гигроскоплик, ўрнатиш жараёнлари мураккаб ва баҳоси қиммат.
Пластик ашёлардан тайёрланган плинтуслар 
ХХ асрнинг охирларида бозорлардаги талабларга қараб ПВХ дан тайёрланган плинтусларнинг нархлари кутилганданда ошиб кетди.
Хатто, жуда мураккаб шаклдаги элементларнинг дизайнерлик ечимлари пластик ашёларни ишлатиш натижасида топилди.
Бу ашёнинг афзалликларига қуйидагиларни киритишимиз мумкин: нархи арзонлиги, мустаҳкамлиги, ўрнатиш осонлиги ва ҳ.к.
ПВХдан тайёрланган плинтуслар бозор талаблари бўйича биринчи ўринга чиқди.
Асосан бозорларда электр кабеллари учун каналлари мавжуд плинтусларга жуда кўп эҳтиёж сезилди.