Ўзбекистон республикаси қурилиш вазирлиги ўзбекистон республикаси

Тош ва тошқолли эритмалар
Тош эритмалари – тоғ жинсларини эритиш орқали олинади. Хом ашёларга - диабаз, базальт, сланец ва сунъий аралашмалар киради. Хомашё 1350-1500 °С ҳароратда эритилади ва эритма қолипларга солинади, сўнгра ўзгармас ҳароратда аста–секин совитилади.
Тегирмонларни, қувурларни, йўллар учун мўлжалланган плиталарнинг сиртини қоплаш (футеровка қилиш) учун плиткалар кўринишида тайёрланади. Бундай плиткалар юқори кимёвий чидамлилик, совуққа бардошлилик ва кам едирилиш хусусиятларига эга.
Тошқолли эритма – олиш учун масалан, домна ўчоғидан чиққан тошқоллар ишлатиш маҳсулотни ишлаб чиқариш харажатларини камайтириши мумкин. Тошқолли эритмадан тайёрланган маҳсулотлар тош эритмаларидан тайёрланган маҳсулотлардан техник хусусиятлари бўйича деярли фарқ қилмайдиПардозбоп шиша ушоқлари ҳар хил рангли шиша бўлакларни 0,4 дан 10 мм гача йирикликда майдалаб олинади. Кейин, биноларнинг ташқи деворларини сувашда ишлатиладиган рангли цемент қоришмаларига шиша ушоқлари қўшилади. Гранит, мармар тасвирини берувчи шиша - кристалл ашёни сигран деб аталади. Майда кристалл заррачали табиий кварцит (авантюрин), хром оксиди қўшилган темир тошқоли ва шишабоп минерал хом ашё аралашмаларидан ташкил топган таркибни эритиб сиграннинг бошқа хиллари олинади. Бундай шиша бўтқаси сопол тахтачалар олишда глазур сифатида ишлатилади. Сигран, бино ва иншоотларнинг ички ва қуёш нури тушадиган ташқи деворларни қоплашда, ҳамда пардозбоп шиша ашёлар сифатида ишлатилади.
Қиздириб силлиқланган шиша - рангсиз кўзгу ва техник ойна автомобиль ойнаси ҳам махсус шиша буюмлари сифатида ишлатилади. Ўлчами: 600...1600х400...1300х2...7мм га тенг.
Чиниқтирилган текис ойна - триплекс, ломинировинли ва молированли (букилган) тўрлар чиқазилади. Шунингдек, хар хил рангли стемалит деб аталувчи чиниқтирилган ойна бино ва иншоотларни ички ва ташқи деворларини қоплашда ишлатилади. Бир томони рангли силикат бўёғи суртилган стемалитнинг қалинлиги 5...7,5мм га тенг. Мустаҳкамлиги: сиқилидаги 800-900 кг/см², эгилишдаги 250 кг/см², чўзилишдаги 231 кг/см². Қиздирилгандаги чидамлилиги 100-200^оС.
Триплекс - бир неча ойна тахталарни ўзаро ялтироқ, юмшоқ бутафель - поливинилбитироль елими билан ёпиштириб тайёрланади. Натижада, ойна синса ҳам ҳавф туғдирувчи бўлакларга бўлинмайди. Унинг қалинлиги 9мм дан кўп, 1м2 триплекснинг оғирлиги - 20кг. Нур ўтказувчанлиги 69-78%, қиздирилганда 100-110^оС да чидамли.
Шиша профилит ҳозирги кунда қурилишда пардозлаш ишларида кўплаб ишлатилиб келинмоқда. Улар швеллер, тавр, ярим айлана ва шу каби профилларда ишлаб чиқарилади. Узунлиги 7 метргача, эни 500мм гача бўлади. 1метр узунликдаги шиша профилитлар оғирлиги 4 дан 9 кг гача бўлиши мумкин.