Ўзбекистон республикаси қурилиш вазирлиги ўзбекистон республикаси

Рангли фактурали сувоқ
Рангли фактурали сувоқ – рангли қум қоришмадан тайёрланади. Бундай сувоқ нафақат рангларни, балки турли нуқсонларни беркитиб фактурани ҳам бойитади. Уларнинг фактуралари турли-туман бўлиши мумкин. Бундай сувоқларни оҳактош туфларини ишлатиб ҳам олиш мумкин.
Штампланган сувоқ рангли, қотмаган сувоқ юзасига қандайдир тасвирни штамплаш натижасида олинади.
Мозаикали сувоқда нақш турли шакл ва ўлчамдаги рангли смальтадан ишланади, туси эса рангли қоришмадан олинади.
Рангли қоришмани тайёрлаш технологик жараёнлари қуйидагилардан ташкил топади:
-суваладиган юзани тайёрлаш,
-қоришма учун ашёларни тайёрлаш,
-сувоқнинг устки қисми ва ранг берувчи пигментни тайёрлаш,
рангли қоришма билан юзани пардозлаш.
Манзарали сувоқ қоришмаси оқ ва рангли портландцемент, оҳак ва аралаш боғловчилардан тайёрланиши мумкин. Сувоқнинг ёрқин туси учун оқ цемент ишлатилади. Талаб қилинган рангларни қоришмага пигмент, рангли тўлдирувчи ва ҳ.к. қўшиш билан олиш мумкин. 14.5-жадвалда турли рангдаги сувоқлар учун қоришма таркиби ва ашёлар сарфи фоизда берилган.
Рангли гранит тўлдиргичлар асосда манзарали пардозбоп сувоқ қоришмаларини икки усулда тайёрлаш мумкин (14.6-жадвал).
1-усул. Аралашма ўртача йирикликда майдаланган гранит ёки мармар ва ўлчами 3мм дан катта бўлмаган антрацит ушокдан тайёрланади. Бир қисм цементга 2,5 қисм тўлдиргич қўшиб пигмент билан қориштириб олинади. Сувоқ юзаси мўйқалам, кирка ва ҳ.к. билан пардозланади.
2-усул бўйича йириклиги 8-10мм бўлган гранит ушоқларидан 2 қисм ва майдасидан (2-3мм) 1 қисм олинади. Бериладиган қатламнинг қалинлиги катта ўлчамдаги ушоқ донасидан 2-3 марта катта, лекин 20 мм дан кичик бўлади. Бу қатламга 7-8 кундан кейин кирка ёки бошқа асбоблар билан ишлов берилади. 14.6-жадвалда тошсимон рангли сувоқ қоришманинг таркиблари келтирилган.
Сувоқ қилинадиган юза нам бўлса, 20-30% оҳак-унини портландцемент билан алмаштирилади. Сув эса қоришмани қулай жойланувчанлигига қараб олинади.