Ўзбекистон республикаси қурилиш вазирлиги ўзбекистон республикаси

Гельцемент
Монтмориллонит минералли соз тупроқ 5-15% ли бентонитни куйдириб гельцемент олинади. Кўп миқдорда қоришмадаги сувни ютади ва қотади. Хоссалари тампонаж цементникига ўхшаш. Сув остидаги қувур деворларини сувашда ишлатилади.
Кучланиб кенгаядиган цемент (ККЦ)
Кучланиб кенгаядиган цемент (ККЦ) таркибида гилтупроқ - 13-20%, обдон туйилган ПЦ клинкери (майдалик даражаси 4500 см²/г)- 65-70%, табиий гипс – 6...10% бўлган аралашмани туйиш жараёнида кенгаювчан комплекс қўшилмалар қўшиб олинади. Қуюқланишининг бошланиши 2-5 дақиқа, охири 4-7 дақиқа. Сувда узунаси бўйлаб 0,1% га, ҳавода 3% га кенгаяди. ККЦ М300, М400 ва М500 маркаларда ишлаб чиқарилади. 15 атм босимда ўзидан газ ўтказмайди. ККЦ-20 маркали цемент 1 кунда мустаҳкамлиги 10-12 МПа, 28 кунда 40-50 МПа га кўтарилади. Чок, тирқиш ва ёриқларни беркитишда, газ, бензин, сув ўтказмайдиган иншоот ва қувурлар қуришда ишлатилади.
Махсус тез қотувчан юқори мустаҳкам портландцемент
Махсус тез қотувчан юқори мустаҳкам портландцемент таркибида C₃S- 65-68% ва C₃А-8% гача бўлган, қўшилмасиз хомашёдан олинади. Хоссасини яхшилаш учун электротермофосфор тошқоли, кул, кўмир чиқиндилари ишлатилади. Майдалик даражаси 2500-3500 см²/г гача туйиб олинади. Юқори мустаҳкамлиги уни жуда майда туйилиши ва махсус минералогик таркибда эканлигида. Мустаҳкамлиги 1 кунда 20-45 МПа, 28 кунда эса 70-120 МПа га кўтарилади. Мустаҳкамлигини катталиги ва тез қотиши ҳисобига оддий портландцемент харажати 15-20% га камаяди. Музлашга чидамлилиги 400-1000 цикл. Сув ўтказувчанлиги 10-30 атм. Қурилишнинг барча соҳаларида айниқса, юқори мустаҳкам бетон олишда, томпонаж ишларида ишлатилади.
Жуда тез қотувчан цемент
Асосан портландцементга ишлатиладиган хомашёлар қўлланилади. Фарқи, цемент клинкерини туйишда галоген моддадан фторид ёки кальций хлориди-фторалюминат 5-30% қўшилади. М400 ва М500 маркали ушбу цемент 12 соатда сиқилишдаги мустаҳкамлиги 15-18 МПа мустахкамликка эришади, 24 соатда 22-29 МПа бўлади. 7 кунда 35-45 МПа га кўтарилади. Совуққа чидамли. Тузли муҳитга чидамлилигини ошириш учун 20% кул қўшиш мумкин. Аэродром қуришда ва таъмирлаш ишларида ишлатилади.