Ўзбекистон республикаси қурилиш вазирлиги ўзбекистон республикаси

Экологик соф ойна
Экологик соф ойна - кўп қатламли шаклда, ўзига фотоэлектрик элементларни бириктирганлиги сабабли ойна электрэнергия ажратиши ва натижада ёруғлик ажратиши мумкин. Бу элементларнинг ойнада жойлашиши ва сонига қараб энергия даражаси ўзгариши мумкин. Бу албатта ушбу ойнанинг айрим қурилиш элементлари (масалан, том плиталари, шифер) ўрнида ишлатилиши сабаб иқтисодий кўрсатгични оширади. Кўзгу ойналарда ҳам электр энергиясини хосил қилиши мумкин. Ёруғликни элемент марказига тўғрилаш (фокусировка қилиш) ва генераторга улаш орқали симли ўтказгичларсиз тасвир ҳосил қилишда масалан, осма экранлар (ёруғлик чиқарувчи логотиплар) ёки бинонинг фасад қисмида анимацион тасвирлар ҳосил қилишда ишлатилиши мумкин. Приборларни бошқача усулда қўллаш автомобилларнинг олд ойналарини ишлаб чиқишда ҳам ишлатилмоқда. Антенналар тарзида ўрнатилган ойналар бутун бошли спектр вазифасини ўташи (йўл ҳаракати ҳақида маълумотлар, томоша қилиш ва бошқалар) ва автомобилнинг ҳаракат ҳолати ёки автомобил билан йўл тузилиши орасида ўзаро алоқа воситаси бўлиб хизмат қилади.
Улар ҳимояловчи ва ёруғликўтказувчи хусусиятларига кўра юқори технологиядаги сенсорли экранлар ишлаб чиқариш имконини берди.
АGC GLASS Europe ойнанинг иккита янги тури
АGC GLASS Europe ойнанинг иккита янги тури энг охирги технологиялар асосида яратилган турини тақдим қилади. Тижорат аҳамиятга эга бўлган биноларнинг ташқи томонига мўлжалланган бу ойна кумуш ишлатилган 3 қатламли қопламадир (11.17-расм).
Б у АGC GLASS Europe компанияси ишлаб чиқараётган янги авлодни асосий қисми бўлиб қолмоқда. Уни етказиб бериш 2012 йилнинг сенятбридан бошланган. Алоҳида хусусиятлари - янгича услубдаги 3 қатламли кумуш қопламадан иборат ойналар ёруғлик ўтказувчи, қуёшдан иссиқлик олиш коэффицентини юқорилиги ва иссиқдан ҳимояловчи хусусиятли ашёлар турига киради. Stopray Ultra-601 ойнаси ёруғлик ўтказувчи коэффиценти 60 % ли ва қуёш ҳароратини тортиши 28 % лиги уни қўллаш индексини 2,14 гача оширади. Ultra -601 ойнаси АGC ойна ишлаб чиқаришида илк кумуш билан тобланган 3 қатламли ойна ҳисобланади.