Ўзбекистон республикаси қурилиш вазирлиги ўзбекистон республикаси

8.2. Лок-бўёқ ва пигментларни замонавий турлари
Пигментлар нимадан ва қандай ишлаб чиқарилади
1.Табиий хомашёлар – темир суриги, умбра ва охрани майдалаш йўли билан пигмент олинади. 2.Кимёвий чўкиндиларга эга бўлган сув аралашмасидан (литопон) ишлаб чиқарилади. 3.Қора тўқ рангдаги пигментлар табиий газ, техник углерод ва сажаларни буғли ва газли муҳитларда ишлов бериб титан икки оксиди (TiO₂) олинади. 4.Каолин ва олтингугуртни майдалаб ультрамарин пигменти, темир купоросини майдалаб темир оксиди пигмент, хромли бирикмаларни майдалаш натижасида хром оксиди C ₂O ₃ каби бўёвчи моддалар олинади.
Темир оксидли пигментлар.
Сунъий тошларни бўяшда темир оксидли пигментлардан фойдаланилади. Бугунги кунда бундай тошлар пардозлаш ишларида кўплаб ишлатилади. Уларни тайёрлашда барча рангдаги пигментлар қўлланилади. Бундай темир оксиди асосидаги бўёқларнинг ўзига хослигига уларнинг кимёвий турғунлиги киради. Грунтовка, бўёқ ва эмалларни улар асосида тайёрлаш мумкин. Шунингдек, темир оксидли пигментлардан турли рангдаги пластмасса, резина ва ёғоч қириндили плиталар тайёрланади. Кўпинча улар тротуар плиталар, бетон, черепица ва бошқа ашёларни бўяшда ҳам ишлатилади. Қоғоз ва матоларни бўяш учун кўпчилик қизил рангдаги темир оксидли пигментни тавсия қиладилар. Бошқа рангдаги пигментларнинг ҳам ўзига хос томонлари бор. Масалан, қорарангдаги темир оксидли пигментлар +180ºС ва ундан юқори ҳароратларда қиздирилиши натижасида қизил-жигарранг тусга киради. Агар қиздириш жараёни герметик усулда амалга оширилса, бўёқнинг иссиққа чидамлилиги 700ºС ҳароратгача ошади. Бу хусусият улардан полимер ашёларни бўяшда ишлатишга имкон беради. Темир оксидли жигарранг пигмент ноорганик бўёқлар ичида кўп ишлатиладиган пигментлар турига киради. У турли тусларда ишлатилиши мумкин. Бундай пигментлардан тўқ жигаррангдан оч тусли гамма рангларгача олиш имконияти мавжуд. Айниқса, деворга пардоз ва ранг берганда улардан кўплаб фойдаланилади. Сопол плиткалар, черепицалар ва шишалар тайёрланганда кўпинча темир оксидли яшил пигментлар ишлатилади. Бироқ коррозияга чидамли қопламалар тайёрлашда улардан фойдаланилмайди. Темир оксидли ҳаворанг пигментлар асосидаги буюмларнинг ҳатто майда тўлдиргичлар кўп миқдорда қўшилганида ҳам ранг туси бошқа таркибларга қараганда сезиларли фарқ қилмайди. Уларнинг мураккаб органик тузилиши ўзгармайди, юқори турғун хоссага эга. Темир оксидли пигментларнинг нархи турлича: масалар кўп ишлатиладиган қизил рангли пигментлар, тайёрланиши мураккаб бўлган ҳаво рангли бўёқларга нисбатан анча арзон ҳисобланади.