Ўзбекистон республикаси қурилиш вазирлиги тошкент архитектура-қурилиш институти ҳузуридаги Олмалиқ архитектура-қурилиш техникуми

ЎЗБЕКИСТОН РЕСПУБЛИКАСИ ҚУРИЛИШ ВАЗИРЛИГИ
Тошкент архитектура-қурилиш институти
ҳузуридаги
Олмалиқ архитектура-қурилиш техникуми
АХБОРОТ ХАТИ
Сизларни 2022 йилнинг 11 июн куни
ЎЗБЕКИСТОН РЕСПУБЛИКАСИ ҚУРИЛИШ ВАЗИРЛИГИ
томонидан тасдиқланган ДАСТУРга асосан
Олмалиқ архитектура-қурилиш техникумида
“Қурилиш соҳасида бунёдкорлик кўлами ва унинг истиқболлари”
мавзусида ўтказиладиган республика илмий-амалий конференциясида иштирок этишга таклиф этамиз.
Конференцияда Ўзбекистон Республикаси Қурилиш вазирлиги тизимидаги ташкилот раҳбарлари ва ходимлари, Қурилиш вазирлиги таркибидаги олий ўқув юртлари ҳамда профессионал таълим муассасалари ўқитувчилари, докторантлар ва мустақил изланувчилар, бакалавр ва магистрантлар, шунингдек, қурилиш соҳасида фаолият юритаётган ташкилотлар ходимлари иштирок этиши кутилмоқда.
Илмий-амалий конференция шўъбалари:

1. 
   Замонавий биноларни барпо этиш технологиялари.
   
2. 
   “Бунёдкорлик ижодкорлари” (ижодий ишлар кўргазмаси).
   
3. 
   Профессионал таълим муассасаларида дуал таълимни ташкил этиш.
   

Конференция материалларини тўплам ҳолида нашр этиш режалаштирилган. Конференция ташкилий қўмитаси мақола, тезисларни саралашни ўз зиммасига олади.
Конференцияда иштирок этиш ва материалларни расмийлаштириш шартлари:
Конференцияда иштирок этиш учун шўъба номи кўрсатилган ҳолда мақола, тезис матнини 1-илова талабларига мувофиқ тайёрлаб, [e-mail] электрон манзилига ёки t.me/olmaliqAQT_konferensiya телеграмм каналига 2022 йилнинг 20 май кунига қадар юборишингизни сўраймиз. Юборилган мақола, тезис файлини муаллифлар ўзларининг исм-шарифлари билан номлашлари лозим. Мақолаларда келтирилган маълумотларнинг аниқлиги ва имло хатолари учун муаллифлар жавобгардирлар.
Конференция материаллари тўпламига УДК индекс берилиши режалаштирилган. Берилган муддатдан кечиккан, шунингдек, конференция йўналишлари ва расмийлаштириш талабларига мос келмаган материаллар нашр этилмайди ва муаллифларга қайтарилмайди.
Конференция ўтказиладиган манзил: Олмалиқ архитектура-қурилиш техникуми, 702400, Олмалиқ шаҳар, Қуйи Терасса кўчаси, 15-уй . Tel: [phone], факс [phone]

Олмалиқ архитектура-қурилиш техникуми

Ахборот хатига 1-илова

Мақола ва тезисларни расмийлаштириш талаблари:
1. Мақола бошида саҳифани юқориги чап томондан УДК қўйилади.
2. Икки интервал қолдирилиб мақола, тезиснинг номи бош ҳарфлар билан саҳифа ўртасига ёзилиши керак. Яна икки интервал қолдирилиб, навбатдаги қатордан муаллифнинг исми, фамилияси ва бир интервалдан кейин илмий даражаси, ташкилот номи кўрсатилади. Икки интервал қолдирилиб муаллифнинг Е-mail ва телефони, бир интервал қолдирилиб навбатдаги қатордан курсив билан аннотация (3-5 сатр) ва калит сўзлар (3-6 та сўз), яна икки интервал қолдирилиб навбатдаги қатордан мақола, тезис матни ёзилади.
3. Конференциянинг иш тили –ўзбек тили.
4. Саҳифа ўлчами - А4, мўлжал- “книжная”, саҳифа ҳошияси: юқоридан 2,5 см; пастдан 2,5 см; чапдан 2,5 см; ўнгдан 2,5 см; шрифт “Times New Roman”, ўлчами -14, сатрлараро интервал -1,5.
5. Мақола, тезис матни талабга мос ҳолда расмийлаштирилиши, 3-5 бет ҳажмида бўлишлиги талаб этилади.
6. Фойдаланилган адабиётлар рўйхати мақолада алифбо тартибида номерланган ҳолда жойлаштирилган бўлиши керак, расм, жадвал ва графиклар бўлса, улар матн ичида берилади.
Иштирокчилар нашр ва босмахона харажатлари учун ҳар бир саҳифага 15 000 (ўн беш минг) сўм бадал пулини нақд, клик тўлови (9860010128991899-Тўрахонов Муроджон) орқали амалга оширишлари мумкин. Муаллифлар сонидан қатъий назар ҳар бир чоп этилган материал учун бир дона тўплам тақдим этилади. Ташкилий қўмита конференция мавзусига ва юқорида баён этилган талабларга мос келмаган материалларни қабул қилмаслик ҳуқуқига эга.
Мақола, тезисни расмийлаштириш намунаси:
УДК

МАҚОЛА, ТЕЗИС МАВЗУСИ

Муаллиф Ф.И.Ш.

Муаллиф иш жойи, лавозими, илмий даражаси, унвони.

е-mail ва телефон рақами (алоқа боғлаш учун, ушбу маълумот тўпламда чоп этилмайди).

Аннотация (3-5 сатр).
Калит сўзлар (3-6 та сўз).
Кириш (мавзу бўйича ҳукумат қарорлари, мавзунинг долзарблиги, мақсадли, вазифаси, тадқиқот объекти).

МАҚОЛА, ТЕЗИС МАТНИ:_______________________________________

Хулоса ва тавсиялар:

Фойдаланилган адабиётлар: 1. _________________________
2. _________________________