Ўзбекистон республикаси қурилиш вазирлиги самарқанд давлат архитектура-қурилиш институти

 

---

 
Масдар Ситининг умумий кўриниши ва шаҳар интерьери. 
Foster + Partners иллюстрациялари

---

Келиб чиқиши бельгиялик бўлган француз архитектори Венсан Каллебо 
(Vincent Callebaut) 50 минг аҳоли учун улкан шаҳар-лилия (Lilypad) лойиҳасини 
таклиф қилди.
XX асрда дунё океанининг сатҳи атиги ўн сантиметрга кўтарилган бўлса, 
XXI асрда 50 сантиметрга кўтарилиши тахмин қилинмоқда (бунинг учун 
Антарктида музининг бор-йўғи 1 %и эриши кифоя). Улкан шаҳар-лилия эса 
қуруқликдаги ҳароратнинг кўтарилиши оқибатларидан қочадиган эмигрантлар 
учун мўлжалланган.
Кўринишидан Lilypad улкан сув лилиясига ўхшаб кетади (унинг энг 
йирик тури – амазон лилиясига). Қурилманинг икки қаватли қоплами титан 
диоксиди билан қопланган полиэфир толасидан иборат. Шунингдек, қуёш 
батареялари, шамол ва тўлқинлар энергияси, Ернинг биомассаси энергияси, 
сувни тозалаш ва фитотозалашдан фойдаланиш ҳам ушбу лойиҳага хосдир. 
Унинг мувозанатини марказида жойлашган ва чучук сув билан тўлдирилган 
ҳавза ушлаб туради. Бу қисм океан сатҳи билан баравар туради ва у ерда ёмғир 
сувлари йиғилиб, қайта ишланади. 
Улкан амазония лилияси, Lilypad нинг умумий кўриниши. 
Арх. В. Каллебо

---

Lilypad нинг океанга қараган юзаларида денгиз ўсимликларидан қурилган 
“боғлар” жойлашади, деворлар қатламида эса, одамлар яшайди ва денгиз флора 
ва фаунаси тадқиқотчилари ишлашади. Турли-туман жониворлар ва 
ўсимликлар экополис ичида жойлашади, Каллебо кўп осма боғлар ва фермалар 
қўллашни таклиф этмоқда. 
 
Lilypad нинг қурилиш босқичлари. Арх. В. Каллебо 

---