Ўзбекистон республикаси қурилиш вазирлиги самарқанд давлат архитектура қурилиш институти «Қурилиш» факультети

Махсус керамик материаллари ва буюмлар
Бундай сопол материаллари ва буюмларга черепицалар, оқава ва дренаж
қувурлари, кислоталарга чидамли буюмлар, санитария-техника буюмлари ва ш. к. киради.
Черепица (TSh 7-192:2003) томга ёпиладиган материал бўлиб, осон суюқланадиган гиллардан хом материални қолиплаш, қуритиш ва пишириш йўли билан тайёрланади. Ҳозирги вақтда сопол корхоналари черепицаларининг бир неча турини: ўйиқли қолипланган, ўйиқли тасмасимон, тасмасимон ясси ва конкисимон турларини ишлаб чиқармоқда.
Черепица томга бири иккинчисининг устига чокли бостириб қўйилгани учун фойдали юзаси 50...85 % ни ташкил этади. Черепицанинг сув шимгандаги массаси 50...60 кг/м2 атрофида бўлади. Совуққа чидамлилиги эса 25 даврдан кам бўлмаслиги керак.
Черепица томга ёпиладиган мустаҳкам, чидамли ва олов бардошли материал бўлиб, 300 йилгача хизмат қилади. Ундан ёпилган том тез-тез таъмир талаб қилинмайди. Черепица ҳозир қурилишнинг барча соҳаларида ишлатилмоқда.




Санитария-техника буюмлари (ЎзРСТ 831-97) умивалник, унитаз, ванна,
ювиш бачоклари ва ш. к. лар оқ гилдан, фаянс ёки ярим чинни массалардан тайёрланади. Хом ашё массалар таркибига каолин, оқ гил, дала шпати, кварц қуми кукуни, куйдирилган гил, эриган шиша кабилар киради.
Буюмлар гипс қолипларда қуйиш усулида қолипланади. Қолипдан чиқарилгач улар қуритилади, оқ ва рангли ялтироқ сир билан қопланади, сўнгра пиширилади.
Санитария – техника буюмлари манзаралик, силлиқ юзали, осон тозланиш ва узоқ вақт давомида ўз хоссаларини сақлаб қолиш хусусиятига эгалиги билан фарқланади. Ушбу буюмларнинг асосий камчилиги уларнинг мўртлигидир. Шунга қарамай, сополдан тайёрланган санитария – техника буюмлари хозирги кундаги энг яхши ва замонавий буюмлар бўлиб қолмоқда.


Санитар техник буюмлар






Ваннахона керамик материаллардан фойдаланиш