Цемент-қириндили плиталар. (ЦСП)
Цемент-қириндили плиталар – замонавий экологик тоза, қийин ёнадиган қурилиш материали бўлиб, «қуруқ монтаж» қурилишида кенг фойдаланилади.
Цемент-қириндили плиталар – энг аввало турли мақсадларга мўлжалланган йиғма конструкцияларни барпо этишда фойдаланилади.
- янги қурилаётган ёки эски биноларни реконструкция қилишда фасадлар, пардеворлар, поллар, шифтларда фойдаланилади.
- махсус иншоатларнинг ёнғин хавфсизлигига нисбатан юқори талаблар, атмосфера таъсирига чидамлилик каби талаблар қўйиладиган конструкцияларида фойдаланилади.
Цемент-қириндили плиталарнинг таркиби
Цемент-қириндили плиталар одатдаги плиталарни тайёрлаш каби технологик жараён боради, лекин бу ерда цемент қириндили қоришмада менерал боғловчи билан биргаликда тўлдирувчи сифатида қум ва шағал ўрнига майда ёғоч қириндилари ишлатилади. Қоришма таркибига ёғчонинг киритилиши, унинг зичлигини камайтиради, лекин асосийси ёғоч толалари фақат енгил тшлдирувчи ролини бажармасдан чўзилишдаги кучланишларни қабул қилишда яхшигина арматурнинг вазифасини бажараолади.
Цемент-қириндили плиталарни ишлаб чиқариш
Бетон қоришмасини тайёрлашда дастлаб ёғоч қириндилари керакли ўлчамларда майдалаб олинади. Шундан кейин элаклар ёрдамида икки фракцияларга ажратилади. Майдароқ ёғоч қириндилари цемент-қириндили плиталарнинг ташқи қатламини, озроқ йирикроқлари шрта қатламига қолиплашда ишлатилади. Кейичалик кальций хлорид, суюқ шиша ва алюминий сульфат билан ишлов берилади. Бу ёғоч қириндилари цемент-қириндили плиталарни чиришдан, атроф муҳит таъсиридан ҳимоя қилиш учун қилинади. Қоришма тайёрлашда, одатда, цемент – 65% атрофида, ёғоч қипиқлари – 24 % атрофида, сув – 8,5-9% атрофида,бошқа минераллаштирувчи ва намлантирувчи қўшимчалар – 2-2,5% атрофида қўшилади. Элакдан ўтказилган ёғоч қипиқлари ва минерал қўшимчалар сув ва цемент билан аралаштирилади. Қўшимчалар сувда эрийди ва бу эса цементнинг қотиш жараёнини тезлаштиради. Бу компонентларга қўшимча равишда ички ишқаланишни камайтриш ва пресслашни осонлаштириш мақсадида оз миқдорда мазут ва I-20 саноат мойи қўшиш мумкин. Тайёрланган қоришма паллетларга учта қатламда ётқизилади ва совуқ прессга жойлаштрилади, у ерда эса бу “пакет” 1,8-6,6 МПа босимгача сиқилади ва қулфлаш тизимида қолдирилади. Махсус қулфлаш тизими прессдан чиқарилгандан кейин қолипдаги босим ушлаб турилади. Сиқилган “пакет”лар 8 соат давомида иситилади. Бу вақт давомида цементнинг тез гидратацияси ва унинг қотиш жараёни кузатилади. Ёғоч толалари ўзининг элатиклик модули ҳисобига цементнинг киришишини компенсациялайди, шунинг учун плитларнинг ўлчами ўзгармасдан қолади.Қолипларни очиш ва босимни пасайтриш хам қолипда содир бўлади. Шундан сўнг “пакет”лар очилади ва плиталар қолипдан чиқарилади. Сўнгги ишлов бериш жараёнида плиталар 70-100°С ҳароратли ҳаво билан қуритилади, шундан кейин бу плиталар талаб этилган ўлчамларда кесилади, силлиқлантирилади, сортивка қилинади ва 1-2 ҳафта давомида сақлаш учун тайёр маҳсулотлар омборхоналарга жойлаштирилади.
Цемент-қириндили плиталарни ишлаб чиқариш жараёни
Цемент-қириндили плиталарни ишлаб чиқариш жараёни
Do'stlaringiz bilan baham: |