Ўзбекистон республикаси қурилиш вазирлиги самарқанд давлат архитектура-қурилиш институти қурилиш Факулътет

Зич ва ғовакли жинслардан тўлдирувчилар ишлаб чиқариш.

Тоғ жинслардан зич ва ғовакли тўлдирувчиларни ишлаб чиқаришда сифат ва сон кўрсаткичи схемаси асосан танланган технологик схема бўйича ҳисобланади ва бунда қуйидаги кўрсатгичлар аниқланади:

-алоҳида жараёнлар асосида чиқадиган маҳсулотларнинг схема бўйича чиқарилиши %, ёки бирлик маҳсулот миқдорида;
-тайёр маҳсулотларнинг танланган схема бўйича чиқарилиши %, ёки бирлик маҳсулот миқдорида;
-дастлабки тоғ жинсларининг массаси бўйича унумдорлиги, т/с ва м³/с.
Ҳисоблаш учун бошланғич маълумотларга қуйидагилар киради:

-тайёр махсулот бўйича берилган унумдорлик;

-дастлабки тоғ жинсларининг берилган донадорлик таркиби;
-майдалаш жараёнларининг чегаравий йириклиги ва синфланиши;
-элаш, классификациялаш ва ювиш жараёнларининг умумий самарадорлик кўрсаткичлари.
Сифат ва сон кўрсаткичли схема бўйича хисоблаш хом ашё балансига асосан бажарилади, яъни технологик жараёнга кираётган ва ундан чиқаётган маҳсулотлар миқдори нисбатан тенг бўлиши керак.
Майдаловчи жиҳозлар шундай танланиши керакки, кетма-кет майдаловчи ускуналар маҳсулотни керакли фракцияларгача майдалаши ва уларнинг унумдорликлари ўзаро мос бўлиши керак. Яъни, олдинги майдалагичдан чиққан энг катта бўлак кейинги майдалагич учун рухсат этиладиган тирқишлар энининг 0,8-0,85 миқдоридан ошмаслиги керак.
Жағли майдалагичлар учун маҳсулотнинг энг катта ўлчами ШДП русумли майдалагич учун 1,7 е ва ШДС учун эса 1,5 е дан ошмаслиги керак (бу ерда е-майдалагичнинг юкланадиган тирқиши эни).
Ўрта ва майда майдаловчи конуссимон майдалагичлар учун эса 2,8·е ва 3,8·е (мос ҳолда КСД ва КМД майдалагичлар учун).
Олдинги элашдан ажралиб чиққан материаллар (хом-ашё) йириклиги қуйидагича тавсия этилади: биринчи босқич майдалаш учун-майдалагичнинг чиқариш тирқиши энига яқинроқ қилиб; иккинчи ва учинчи босқич майдалашлар учун эса олинадиган маҳсулот доналарининг энг катта йириклигига тенг қилиб.
Ишлаб чиқариладиган маҳсулотнинг таркибини сифат ва сон кўрсаткичи бўйича аниқлаш.