Ўзбекистон Республикаси умумий ўрта таълим мактаблари ва ўрта махсус, касб-ҳунар таълим муассасалари ўқувчиларининг умумтаълим фанлари бўйича фан олимпиадаларини ўтказиш бўйича тавсия ва баҳолаш мезонлари

Тест топшириқлари
Биринчи (таълим муассаса), иккинчи (туман) босқичларда ўқувчиларига 25 тадан тест (18 та тестнинг жавоби белгиланади, 7 та тестнинг жавоби ёзилади) топшириқлари берилади.
Тест топшириқлари учун 75 дақиқа вақт ажратилади. Ҳар бир тўғри жавоб учун 2 балл, нотўғри жавоблар 0 балл билан баҳоланиб, жами 50 баллни ташкил этади.
3 (вилоят) босқичида 40 та (30 та жавоби танланадиган тест ва 10 та жавоби ёзиладиган тестлар) тест топшириғи берилади. Тест топшириқларини бажаришга 120 дақиқа вақт ажратилади. Ҳар бир тўғри бажарилган тест саволига 1,25 балл, нотўғри бажарилган топшириққа 0 балл қўйилади. Энг юқори кўрсаткич 50 бални ташкил этади.
Масалан:
1. Жавоби танланадиган тест
Қуйида берилган аъзолардан қайси бири минерал тузлар депоси бўлиб хизмат қилади?
А. Суяклар
B. Талоқ
С. Буйрак
D. Томирлар системаси
2. Жавоби ёзиладиган тест
Организм ички муҳитининг нисбий доимийлиги қандай аталади?
__________________
Барча тур бўйича умумий кўрсаткич 100 бални ташкил этади.


КИМЁ

Кимё фан олимпиадасининг биринчи, иккинчи, учинчи босқичи умумий ўрта таълим мактабларининг 9-11 синфларда ўтказилади. Академик лицей ва касб-ҳунар коллежларида биринчи босқич 1-3 курсларда, иккинчи, учинчи босқич 2-3 курсларда ўтказилади.

Биринчи, иккинчи босқич олимпиада 3 турда (ёзма иш, лаборатория машғулоти, тест синови), учинчи босқичида 2 турда (ёзма иш, тест синови) ўтказилади.
Ёзма иш
Олимпиаданинг биринчи, иккинчи босқичларида ёзма иш топшириқлари 4 та масаладан иборат бўлади.
Масалан:
1-курс (9-синф)
5,6 г С ва S аралашмаси мул миқдор кислородда ёндирилганда 6,72 л (н.ш,) газлар аралашмаси ҳосил бўлади. Дастлабки аралашмадаги углероднинг масса улушини топинг.
2- курс
250 мл 3% ли (зичлиги 1220 кг/м³) бромли сув орқали 3 литр метан ва этилен аралашмаси ўтказилади. Натижада 4,7 гр диброметан чўкмаси ҳосил бўлади.Реакция учун олинган газлар араашмасини фоиз таркибини аниқланг.