Zbekiston respublikasi transport vazirligi toshkent davlat transport unversiteti

Ishlar sifatining nazorati
Zax qochiruvchi qatlamlar yotqizilayotganda qo‘llanilayotgan materiallar va qumlik gruntlarning sifati, zichligi loyiha talablariga qay darajada to‘g‘ri kelishi, yo‘l poyi qiyaligida zax joylar chiqishi oqibatidagi gruntning ifloslanishi nazorat qilinadi.
Betonlardan, bog‘lovchilar bilan ishlov berilgan tosh materiallardan, mustahkamlangan grunt va kul-kuyundi qorishmalardan iborat issiqni saqlovchi qatlamlarning sifati, namunaalarining mustahkamligi ushbu qoidalarning tegishli boblardagi talablar asosida nazorat qilinadi.
Penoplastdan tayyorlangan issiqni saqlovchi qatlamning sifati plitalarni yo‘l poyining yuzasiga bir tekisda yotqizilganligini va yo‘l qoplamasining birinchi qatlamini penoplast ustidagi qalinligini o‘lchash bilan tekshiriladi.
Gidroizolyatsiya, zax qochiruvchi va kapillyar himoya qatlamlarini yotqizishda, ularning usti va tagidagi qalinligi, grunt qatlamining granulometrik tarkibi, materialning yuza bo‘ylab ulanish sifati va qavat ustidagi yo‘l to‘shamasining birinchi qatlami tekshiriladi.
Qo‘shimcha himoya qatlamini ko‘pchuvchan va kam ko‘pchuvchan gruntlardan qurishda, ularning sifatini karerning o‘zida har 500 m³ hajmdan kamida 3-10 marta tajriba uchun namuna olinib, uning tarkibidagi qum va chang zarralari tekshiriladi, filtrlash koeffitsienti kattaligi GOST 25584 orqali aniqlanadi. Filtrlash koeffitsienti kattaligini qumli grunitning granulometrik tarkibiga nisbatan hisoblash yo‘li bilan ham aniqlash mumkin.
Qatlam ustki va osti qismida yo‘l to‘shamasining va gruntning qalinligini ushbu qoidalarning 5.5 bandiga muvofiq chizg‘ich yordamida ko‘ndalang kesimning uch nuqtasida (o‘qda va yo‘l poyi chetida) har 100 m dan ko‘p bo‘lmagan oraliqda tekshiriladi.
Qatlam materialining zichligi ko‘ndalang kesimda 3 nuqtada (o‘qda va yo‘l qoplamasi chetida) 100 m. dan ko‘p bo‘lmagan oraliqda 4.66 bandga asosan tekshiriladi.
Grunt qatlamining granulometrik tarkibi gidroizolyatsiya qatlamning ham ustida, ham ostida har bir smenada bir marta tekshiriladi.