Ўзбекистон республикаси тижорат банкларида бухгалтерия ҳисобининг ҳисобварақлар режасига ўзгартириш ва қЎшимчалар киритиш тўҒрисида

91800 Банкнинг кредит ва лизинг мажбурияти
91809 Банкнинг кредит ва лизинг бериш мажбурияти
Ҳисобварақнинг таърифи: банкнинг мижозларга ёки бошқа банкларга кредит ваёки лизинг бериш мажбуриятлари ҳисоби олиб борилади. Банкнинг мижозларга ва бошқа банкларга кредит ваёки лизинг бериш мажбуриятлари ушбу ҳисобварақда ушбу мажбуриятларнинг бажарилишигача ёки бекор қилинишигача ҳисобга олинади. Ушбу ҳисобварақ учун 96351 — «Банкнинг кредит бериш мажбурияти бўйича контрўисобварақ» контр-ҳисобварақ ҳисобланади.
Ҳисобварақнинг дебетида банкнинг кредит ва лизинг бериш бўйича берилган мажбуриятларининг суммаси акс эттирилади.
Ҳисобварақнинг кредитида кредит ваёки лизинг бериш бўйича ижро этилган ёки бекор қилинган мажбуриятларининг суммаси, шунингдек қисман амалга оширилган тўловлар суммаси акс эттирилади.
Таҳлилий ҳисоб мажбуриятлар тури бўйича алоҳида шахсий ҳисобварақларда олиб борилади.
91816 Банкнинг кредит ва лизинг олиш мажбуриятлари
Ҳисобварақнинг таърифи: банкнинг мижозлардан ёки бошқа банклардан кредит ваёки лизинг олиш мажбуриятларининг ҳисоби юритилади. Банкнинг кредит ваёки лизинг олиш мажбуриятлари ушбу ҳисобварақда ушбу мажбуриятларнинг бажарилишигача ёки бекор қилинишигача ҳисобга олинади. Ушбу ҳисобварақ учун 96358 — «Банкнинг кредит олиш мажбурияти бўйича контр-ҳисобварақ» контр-ҳисобварақ ҳисобланади.
Ҳисобварақнинг дебетида кредит ваёки лизинг олиш бўйича берган мажбуриятларининг суммаси акс эттирилади.
Ҳисобварақнинг кредитида кредит олиш бўйича ижро этилган ёки бекор қилинган мажбуриятларнинг суммаси акс эттирилади.
Таҳлилий ҳисоб мажбуриятлар тури бўйича алоҳида шахсий ҳисобварақларда олиб борилади.
91900 Қарздорларнинг кредит ва лизинг мажбуриятлари
91901 Қарздорларнинг қисқа муддатли кредитлар бўйича мажбуриятлари
Ҳисобварақнинг таърифи: қарздорларнинг банк томонидан берилган қисқа муддатли кредитлар бўйича муддатли мажбуриятларининг ҳисоби олиб борилади. Ушбу ҳисобварақ учун 96345 — «Қарздорларнинг қисқа муддатли кредитлар бўйича мажбуриятлари контр-ҳисобварағи» контр-ҳисобварақ ҳисобланади.
Ҳисобварақнинг дебетида берилган кредитлар бўйича қарздорлардан қабул қилинган муддатли мажбуриятлар суммаси ўтказилади.
Ҳисобварақнинг кредитида тўла қопланган мажбуриятлар суммаси акс эттирилади. Қисман амалга оширилган тўловлар суммаси мажбурият тўла бажарилгунга қадар унинг орқа томонига ёзиб борилади.
Таҳлилий ҳисоб ҳар бир қарздор бўйича алоҳида шахсий ҳисобварақларда олиб борилади.