Zbekiston respublikasi tashqi ishlar vazirligi jahon iqtisodiyoti va diplomatiya universiteti

3.2. Milliy ishlab chiqarishda innovatsion texnologiyalarni qo’llashda jahon tajribalaridan foydalanish imkoniyatlari.

O’zbekistonda innovatsion tizimni yaratishda ko’pgina imkoniyatlarga ega. Mamlakat o’z ilmiy salohiyatini saqlab qolgan holda , davlat yordami orqali ilmiy taqdqiqotlar hajmi va darajasini yuqori ushlab turishga erishmoqda. Bozor munosabatlariga o’tish davrida ilmiy-texnik sohani rivojlantirish jarayoni yakunida uning natijalarini raqobatbardosh mahsulot yoki texnologiyalarni yaratishda foydalanish ko’zda tutiladi. Hozirgi kunda yurtimizda yangi bilimlarni shakllantirishga yo’naltirilgan uzoq muddatli (5 yilgacha) fundamental tadqiqotlar, o’rta muddatli (3 yil) amaliy tadqiqotlar hamda qisqa muddatli (2 yilgacha) innovatsion ishlanmalar Davlat ilmiy-texnika dasturlari tanlovlari asosida shakllantirilmoqda. Ilmiy izlanishlarning o’zaro mujassamlik darajasini ta’minlaydigan mexanizm ishlab chiqilgani diqqatga sazovor jihatdir. Ya’ni fundamental tadqiqotlar doirasida yaratilgan g’oyalar amaliy tadqiqotlar chog’ida tajriba nusxasi yaratishgacha yetkazilsa, ular innovatsiya ishlari orqali iqtisodiyot tarmoqlariga joriy qilinadi.

Yuqorida ko’rib o’tilgan innovatsion iqtisodiyotga o’tishning jahon tajribalaridan foydalanish va mamlakatimizning milliy ishlab chiqarish sohalarida innovatsion texnologiya va metodlarni qo’llash uchun ma’lum darajada ichki imkoniyatlarga egamiz deb ayta olamiz. O’zbekistonning ilmiy salohiyati yuqori darajada bo’lib, bugungi kunda respublikada 400 ga yaqin ilmiy tadqiqotlar olib boruvchi tashkilotlar ro’yxatdan o’tgan. Oxirgi 10 yillikda Davlatning ilmiy – texnik rivojlanish dasturini amalga oshirishda 224 ta ilmiy-tadqiqot idoralari, oliy ta’lim muassasalar, tajriba-konstruktorlik tashkilotlari, ilmiy-ishlab chiqarish korxonalari, kichik innovatsion markazlar qatnashgan. Quyidagi jadvalda Respublikada olib boriladigan ilmiy izlanishlar markazlarining miqdori ular qarashli vazirliklarga taqsimlangan holda berilgan.
3.2.1.-jadval