Ўзбекистон республикаси ташқи ишлар вазирлиги

6.4. Jinoyat huquqida sababiy bog`lanish tushunchasi.

Sababiy bog`lanish – sodir etilgan ijtimoiy xavfli qilmish va uning natijasida kelib chiqqan ijtimoiy xavfli oqibat o’rtasidagi bog`liqlikdir.

Sababiy bog`lanish - moddiy tarkibli jinoyatlar uchun jinoyat obyektiv tomonining zaruriy belgisi bo’lib hisoblanadi.

Sababiy bog`lanishning quyidagi mezonlari mavjud:

- vaqt mezoni;

- reallik mezoni;

- muqarrarlik mezonlari.

Moddiy tarkibli jinoyatlarda qilmish va oqibat o’rtasidagi sababiy bog`lanish mavjudligini aniqlashda quyidagilarga e’tibor berish lozim:

- sodir etilgan qilmish va uning natijasida kelib chiqqan oqibatning ijtimoiy xavfli va huquqqa xilof bo’lganligi;

- sodir qilingan qilmish tufayli o’sha oqibat kelib chiqqanligi;

- kelib chiqqan oqibat sodir etilgan ijtimoiy xavfli qilmishning yoxud bu qilmish sodir etilishidan ijtimoiy xavfli oqibat kelib chiqishining real xavfi mavjud bo’lishi lozimligi;

- bir necha oqibat yuzaga kelganida ushbu qilmish har bir oqibatning sababi bo’lganligi yoki boshqa oqibatlarni keltirib chiqargan bir oqibatning sababi bo’lganligi va boshqalar.